މީގެ ކުރިން ބަނގުރާ ކެއްކި ގެއެއްގެ ތެރެ
ބަނގުރާ ކައްކާ ސެޓަޕަކާ އެކު އިންޑިޔާ ބަޔަކު ހައްޔަރުކޮށްފި
އަހުމަދު ހަސަން
19 އޯގަސްޓް 2023 - 20:26:03
މާލޭގައި ބަނގުރާ ކައްކާ އިންޑިޔާ ތިން މީހުން ހައްޔަރުކޮށްފިއެވެ.
Advertisement
ބަނގުރާ ބޭނުންކޮށް އެ ތަކެތި ކައްކާ އަދި އޭގެ ވިޔަފާރި ކުރާކަމުގެ ތުހުމަތުގައި ހައްޔަރުކޮށްފައިވަނީ އިންޑިޔާ ތިން ފިރިހެނުންނެވެ. އެއީ އުމުރުން 48 އަހަރުގެ މީހަކާ، 22 އަހަރުގެ މީހެއް އަދި 26 އަހަރުގެ މީހެކެވެ.
މި ތިން މީހުންގެ ބަންދަށް ކްރިމިނަލް ކޯޓުން މިއަދުވަނީ 15 ދުވަސް ޖަހާފައެވެ. ބަންދު އަމުރު ރިޕޯޓުން އެނގޭ ގޮތުގައި މި ތިން މީހުން ދިރިއުޅޭ ގޭގެން 500 މިލިލީޓަރުގެ 273 ފުޅިއާ، 5 ލީޓަރުގެ 4 ފުޅި އަދި ޖޭމްސަން ބްރޭންޑްގެ ތިން ފުޅި ފެނިފައިވެއެވެ. އޭގެ އިތުރަށް ބަނގުރާ ކައްކާ ސެޓަޕެއް އެ މީހުން އުޅުނު ގޭން ފެނިފައިވެއެވެ. ފުލުހުން އެތަނަށް ވަތް އިރު، ބަނގުރާ ކެއްކުމަށް ތައްޔާރުކޮށްފައިވާ 36 ޓައްޕުވެސް ފެނިފައިވެއެވެ.
86%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
14%
ވަރަށް ސަލާމް
ކޮމެންޓްސް
