އިންތި ވިދާޅުވީ މިހާރު ފެންނަމުންދަނީ އެމްޑީޕީ ސަރުކާރެއްގައި ފެންނާނެ ކަމަކަށް ރައްޔިތުން ގަބޫލު ނުކުރާ މަންޒަރުތައް ކަމަށާއި، ނަމަވެސް އެފަދަ މަންޒަރުތައް ދަނީ ތަކުރާރުވަމުން ކަމަށެވެ.
ރައީސުލްޖުމްހޫރިއްޔާ އާ ދެކޮޅަށް ބެނާއެއް ދަމާލާ، ޝުއޫރުފާޅު ކުރުމުގެ ހައްގެއް ވެސް މިހާރު ނެތް ކަމަށާއި، މިއީ ވަރަށް ނާތަހުޒީބު ވެރިކަމަކާ ހުރެ ކުރެމުންދާ ކަންތަކެއް ކަމަގައި އިންތި ވިދާޅުވި އެވެ.
މިކަމުން ދޭހަވަނީ ވެރިކަމުގެ ލައްޒަތައްޓަކާ ވެރިކަން ކުރަން އުޅޭތަން ކަމަށާއި މި ފަދަ އަމަލުތަރަކުގެ ސަބަބުން ގައުމު ފަހަތަށް ދާތަން ފެންނަން ފަށައިފި ކަމަށާއި، ފަރުދީ އަސާސީ ހައްގުތައް ހިފެހެއްޓެމުންދާ ކަމަށް ވެސް އިންތި ވިދާޅުވި އެވެ.
ސަރުކާރެއް ނަމަ އިދިކޮޅު ފަރާތްތަކުގެ އިހުތިޖާޖު ތަކާ އެއްވުންތައް ބަލައިގަން ޖެހޭނެ ކަމަށާއި، އެ އަޑުތައް އެހުމުގެ ގާބިލްކަން ވެސް ހުންނަށް ޖެހޭ ކަމަށް އޭނާ ވިދާޅުވި އެވެ.
އިންތި މިހެން ވިދާޅުވެފައިވާއިރު، ރާއްޖޭގެ އެކި ކަންކޮޅުތަކަށް ރައީސް ވަޑައިގެންނެވުމުން އިދިކޮޅު ފަރާތްތަތަކުން ވަނީ އަޑުއުފުލުމަށް ކަމަށް އެއްވުންތައް ބާއްވަމުންނެވެ. އެ އެއްވުންތަކުގައި ގާ އުކުމާއި ވެލި އުކުން ފަދަ ކަންތައްތައް ވެސް ފެނިގެން ގޮސްފައިވެއެވެ.
