ކަރެކްޝަން ގައި ވަޒީފާ އަދާކުރަމުން ދިޔަ ރިޔާޒު ފެބުރުއެރީ 14 ވަނަ ދުވަހު ހެނދުނު ޑިއުޓީ އަށްދާން ހުޅުމާލެ ސަހަރާމަގުން ނުކުމެ އޭނާގެ ސައިލް ދުއްވާލިއެވެ. ކުއްލިއަކަށް އޭނާގެ ހާލަތު ބަދަލުވިއެވެ.
ނަމަވެސް އެ ހާލަތާއި ބައްދަލުވީ މުޅި އާއިލާ އާއި ރައްޓެހި ދަންނަ އެންމެން ސިއްސުވާލާފަދަ ނުރައްކާތެރި އެކްސިޑެންޓެކެވެ. އެފަދަ ނުރައްކާތެރި އެކްސިޑަކާއި އޭނާ ކުރިމަތިލާން ޖެހުނުއިރު، ރިޔާޒު ހުރީ އެފަދަ ކަމެއް އޭނާ އަށް ވެދާނެ ކަމަކަށް ތައްޔާރު ވެގެނެއްނޫނެވެ.
ނަމަވެސް ފަޅި ސިކުންތެއްގެ ތެރޭ ރިޔާޒުގެ ހާލަތު ބަދަލުވީ މުޅި އާއިލާ އާއި އޭނާ ދަންނަ އެންމެން ރޮއްވާލާފައެވެ.
ރިޔާޒްއަށް ވެފަހުރި ގެއްލުން
އެ ދުވަހުގެ އެ ހާލަތާއި އެކު ރިޔާޒު ތަންމަތިވިއެވެ. އޭނާގެ ލޯބި ލޯބި ދަރިއަކު އެބަހުއްޓެވެ. ބައްޕަ އަކަށްޓާކާއި ފޮނިހުވަފެންތަކެް ދެކެމުން އައި ދަރިއަކު ނިކަމެތިވީއެވެ. ލޯބިވާ އަންހެނުން އެކަނިވެރިވިއެވެ. އާއިލާ މާޔޫސް ވިއެވެ. ފެބްރުއެރީ މަހުގެ 14 ވަނަ ދުވަހުން ފެށިގެން މިހާރަށް ހަމަސްވެފައިވާއިރު އޭނާ އަށް ކުރިމަތިލާންޖެހިފައިވާ އަނިޔާއިން އަރަގަނެވޭނެ ގޮތެއްނުވިއެވެ.
ފިޔާޒު ބުނީ ބޭބެ އޮތީ ލިބުނު އަނިޔާގެ ސަބަބުން ވަރަށް ބޮޑުވަރުވެފައި ކަމަށެވެ. އޮތްތަނުން ތެދުނުވެވޭ ކަމަށާއި، ނަމަވެސް ފަރުވާ ލިބިއްޖެ ނަމަ އަދިވެސް އުއްމީދު އެބަ އޮތް ކަމަށެވެ. މީގެ އިތުރުން ރިޔާޒަށް ލިބުނު އަނިޔާގައި އޭނާ ބޮލުގެ ނާށި ގަޑު ކުދިކުދިވެ ސިކުޑިއަށް އޭގެ އެތިއެތިކޮޅު ވަނުމުގެ ސަބަބުން ސިކުޑީގެ ބޮޑުބައި ހަލާކުވެފައިވާ ކަމަށް އެ އާއިލާ އިން ވަނީ ބުނެފައެވެ.
އަދި ހަށިގަނޑުގެ އެއްފަޅިގެ ހަރާކާތް ނުކުރެވޭ ކަމަށާއި، ވާހަކަ ނުދެކެވި މީހެއްގެ އެހީތެރި ކަމާއި އެކު ތަންމަތީގައި އޮންނަންޖެހިފައިވާ ކަމަށެވެ.
މިހާރު އިންޑީޔާގައި ރިޔާޒުގެ ފަރުވާ އަށް ގޮސް ތިބޭތާ ދުވަސްތަކެއް ވެއްޖެ ކަމަށެވެ.
ސަބަބަކީ އޭގެ ސަބަބުން ބުރެއިން ޑެމޭޖް ގެ ރިކަވާރީ އަވަސްވާން އެހީތެރިވެދޭ، އަދި ބުރެއިންގެ ޑެމޭޖް ސެލް މަރުވުމުގެ ޗާންސް ކުޑަކޮށްދޭ، އަދި ޑޮކްޓަރުން ލަފާދީފައި ވަނީ ފުރަތަމަ ނުވަ މަސް ދުހަކީ ރިކަވާރީއަށް އެންމެ މުހިންމު ދުވަސްވަރު ކަމަށާއި ދެވެން ހުރި ހުރިހާ ފަރުވާއެއް ހުއްޓާ ނުލާ ކުރިއަށް ގެންދިއުމަށްވެސް ފިޔާޒު ބުންނެވެ.
އަދި އޮކްސިޖަން ތެރަޕީގެ ފުރަތަމަ 40 ސެސަން ނިމި ޓެސްޓްތައް ހެދުމަށްފަހު ޑޮކްޓަރުން ލަފާ ކުރަނީ ރިކަވާރީއަށް އަހަރަކަށް ވުރެ ގިނަ ދުވަސް ހޭދަ ކުރަން ޖެހިދާނެ ކަމަށެވެ. އެކްސިޑެންޓް ހިނގި ދުވަހުން ފެށިގެން މިދަނީ ހުއްޓުމެއްނެތި ރިކަވާރީއަށް ދެވެން ހުރި ހުރިހާ ފަރުވާއެއްދީ، މާތް ﷲގެ ތަނަވަސް ރަޙްމަތުން އަމިއްލައަށް އަލީއަށް އުޅެވޭވަރުވޭތޯ ގަދައަޅާ މަސައްކަތް ކުރަމުން ކަމަށްވެސް ބުނެފައިވއެވެ.
ރިޔާޒުގެ ބަލީގެ ހާލަތު އަންގައިދޭ ލިޔުމެއް....
ރިޔާޒުގެ އާއިލާއިން އިންޑިޔާގައި ތިބޭތާ ވެސް މިވަނި އެތަކެއް ދުވަހެއް ވެފައިކަމަށާއި، ރިޔާޒުގެ ފަރުވާ އަށް އާންމުންގެ އެހީތެރިކަން ބޭނުންވާ ކަމަށް އެ އާއިލާއިން ވަނީ ބުނެފައެވެ.
ހިނގާބިގާވެ އުޅުމަށް ރިޔާޒު ބޭނުންވެއެވެ. ކުރިން އުޅުނު އުފާވެރި ދިރިއުޅުމަށް އެބުރިދާން އޭނާ ބޭނުންވެއެވެ. އެ އުއްމިދުގައި އޮތް ރިޔާޒު އޮތީ އެ އަލިމަގެއް ދެއްވާތޯ ދުއާ ކޮށްލަ ކޮށްލައެވެ.
ރިޔާޒު ...
ހެލްޕް ރިޔާޒުގެ ފޭސްބުކު ޕޭޖުގައިވެސް އޭނާގެ ޝަކުވާތައް އެބަހުއްޓެވެ. ކުރިން ކޮންމެ ދުވަހަކު ކޮފީ އަށްދާން ގުޅާ ރަހުމަތްތެރިން އަހަންނަ ނުގަޅަނީ ކީއްވެ ހެއްޔެވެ. އަހަންނަ ވާހަކަ ނުދެއްކޭތީ ހެއްޔެވެ. އަހަރެން ބަލި އެދުގައި އޮންނަން ޖެހުމުންހެއްޔެވެ.
މި ޝަކުވާތަކާއިއެކި އެޕޭޖުގައި ބުނެފައިވަނީ ތިޔަ އެކުވެރިންގެ އެހީއަށް ބޮޑަށް ބޭނުންވި ދުވަހު އެކަނިވެރިކޮށް މާޔޫސްކޮށް ބާކީ ކޮށް ނުލާށެވެ. އެހީތެރި ކަމުގެ އަތެއް ދިއްކޮށްލަ ދޭށެވެ.
ގުޅޭނެ ނަންބަރުތައް: 7989824 ފިޔާޒު (ރިޔާޒުގެ ކޮއްކޮ)
އެކައުންޓް ނަމްބަރު: 7703240280101 (ބިމީއެމްއެލް) އަލީ ރިޔާޒު
އެކައުންޓް ނަމްބަރު:7730000575047 (ޑޮލަރު) އަލީ ރިޔާޒު
ނޯޓު: ސީއެންއެމް އެހީގެ ދަށުން ލިޔެފައިވާ އާޓިކަލްތަކުގައި ވާ ފަރާތްތަކަށް އެހީވުމުގެ ކަންކަން އެ ފަރަތާއި ގުޅައިގެން ކުރިއަށް ގެންދިއުން އެދެމެވެ.
