ކާނިވާ ސަރަހައްދުގައި އެމްޑީޕީ އާ ގުޅިފައިވާ ޕާޓީތަކުން މިހާރު ކުރިއަށް ގެންދާ ޖަލްސާގައި އާންމުކުރި "އުފާވެރި މާލެ" މެނިފެސްޓޯގައި ވައުދުވެފައިވަނީ އެ ދެ ހޮސްޕިޓަލް ޓާޝަރީ ފެންވަރަށް ތަރައްގީކުރުމާ އެކު، މާލެ ސަރަހައްދުގެ ސިއްހީ ނިޒާމަށް ބޮޑެތި ބަދަލުތަކެއް ގެނައުމަށެވެ. އެގޮތުން ވިލިމާލެ ހޮސްޕިޓަލުގެ ފެންވަރު މަތިކޮށް، އުމުރުން ދުވަސްވީ މީހުންނަށް ހާއްސަ ފަރުވާދޭ ފެސިލިޓީއެއް ވިލިމާލޭގައި ގާއިމުކުުރުމަށް އެ މެނިފެސްޓޯގައި ވަނީ ހިމަނާފައެވެ.
އުފާވެރި މާލެ މެނިފެސްޓޯގައި މާލެ ސަރަހައްދުގެ ވައިފެން ހެޔޮކުރުމަށްޓަކައި ގިނަ މަސައްކަތްތަކެއް ކުރުމަށްވެސް ވަނީ ހިމަނާފައެވެ. އޭގެތެރޭގައި ރާއްޖޭގެ މާހައުލާ ގުޅޭ ގަސްތަކުން މަލަަމަތި ޒީނަތްތެރިކުރުމާއި ފެހިކަން އިތުރުކުރުމަށް ގްރީން ސްޕޭސްގެ އިތުރުން ޕޮކެޓް ޕާކްތައް ތަރައްގީކުރުމަށް ވަނީ ކަނޑައަޅާފައެވެ.
ހުޅުމާލެ ހޮސްޕިޓަލް: ޕޮޓޯ ޕީއެސްއެމް
އުފާވެރި މާލެ މެނިފެސްޓޯގައި ހިމަނާފައިވާ އިތުރު ކަންކަމުގެ ތެރޭގައި،
- މާލޭ ސަރަހައްދުގައި ފެންވަރު ރަނގަޅު ޗައިޑް ކެއާ ތައާރަފުކުރުން.
- ނަފުސާނީ އަދި ޖިސްމާނީގޮތުން ދުޅަހެޔޮކަންމަތީ ތިބުމަށް އެހީތެރިވެދިނުމަށާއި ދޮށީ އުމުރުގެ މީހުންނަށް ބޭނުންވާ ތަފާތު ހިދުމަތްތައް ފޯރުކޮށްދިނުމަށް ދޮށީ އުމުރުގެ މީހުންނަށް މަރުކަޒުތައް، ކްލަބު ގާއިމުކުރުން.
- ވިލިމާލޭ ބީޗް ސަރަހައްދަކީ ނުކުޅެދުންތެރިކަން ހުންނަ ފަރާތްތަކަށް ބޭނުން ކުރެވޭނެ ގޮތަށް އެންމެނަށް ބޭނުންތެރި ހުސްވަގުތުގައި ބޭނުން ހިފޭ ގޮތަށް ތަރައްގީ ކުރެވޭނެ ތަނަކަށް ހަދައި އެ ތަނުގައި ބީޗް ހަޓު، ޗޭންޖިން ރޫމު އަދި ކުޅިވަރު ވަސީލަތްތައް ތަރައްގީކުރުން.
- ޕެޓް ރަޖިސްޓަކުރުމާއި އައިޑެންޓިފައި ކުރެވޭ އުސޫލެއް ގާއިމުކުރުން.
- ކެޓް ޝެލްޓަރެއް، ވެޓް ކްލިނިކްގެ ހިދުމަތާ އެކު ގާއިމުކޮށް، އާންމު ސިއްހަތު ރައްކާތެރިކޮށް މާލޭ މަގުތައް ސާފުތާހިރުކުރުން.
