އައްޑޫ ސިޓީ ކައުންސިލުން ބުނީ ފަޅުތަކަށް ނަން ދީފައިވަނީ އެ ސިޓީ ހިތަދޫ ފަޅުތެރޭގައި ހިއްކާފައިވާ 2 ރަށާއި، އަދި މީދޫ އާއި އިންވެގެން އޮތް ފަޅުތެރޭގައި ހިއްކާފައިވާ 1 ރަށުން ކަމަށެވެ.
އެ ނިންމުން ނިންމާފައިވަނީ އައްޑޫސިޓީ ކައުންސިލްގެ 4 ވަނަ ދައުރުގެ 11 ވަނަ ކުއްލި ޖަލްސާއިންނެވެ.
އެ ޖަލްސާގައި ނިންމާފައިވަނީ މީދޫ އާއި އިންވެގެން އޮތް ފަޅުތެރޭގައި ހިއްކާފައިވާ 1 ރަށުގައި ރިސޯޓް ތަރައްޤީކުރުމަށް ބީލަމަށް ހުޅުވާލުމަށްޓަކައި މިރަށްތަކަށް ރައްޔިތުން ހުށަހަޅާފައިވާ ނަންތަކުގެ ތެރެއިން ނަންތައް ފާސްކުރެވިފައެވެ.
އައްޑޫން ޓުރިޒަމަށް ބިންހިއްކީ ބޮޑު މަޝްރޫއުގެ ތެރެއިންނެވެ. އެ މަސައްކަތްކޮށްފައި ވަނީ ނެދަލޭންޑްސްގެ ވެން އޫޑް އިން ނެވެ.
ހިތަދޫ ފަޅުން ހިއްކާފައިވާ އައިލެންޑް 1 ކަށް ކިޔާފައިވަނީ ދޮންދީނިހެރަ ހިތަދޫ ފަޅުން ހިއްކާފައިވާ އައިލެންޑް 2 އަށް ކިޔަނީ ބޮލިހެރައެވެ. މީދޫއާ އިންވެގެން އޮންނަ ފަޅުން ހިއްކާފައިވާ އައިލެންޑް 3 އަށް ކިޔަނީ ދޮންހެރަ އެވެ.
