ރައީސް ސާލިހު ގާސިމް އަދި ރައީސް ނަޝީދު
އެމްޑީޕީއާ ޕީޕީއެމާ ޑިމޮކްރެޓްސް އެއީ އެކައްޗެއް: ގާސިމް
އަހްމަދު ޙާމީ
07 ސެޕްޓެމްބަރ 2023 - 10:29:42
އެމްޑީޕީއާ ޕީޕީއެމާ އަދި ދަ ޑިމޮކްރެޓްސް އަކީ އެކައްޗެއް ކަމަށް ޖުމްހޫރީ ޕާޓީގެ ރިޔާސީ ކެނޑިޑޭޓް ގާސިމް އިބްރާހީމް ވިދާޅުވެއްޖެއެވެ.
Advertisement
ގާސިމް މިގޮތަށް ވިދާޅުވެފައިވަނީ، ރިޔާސީ ކެމްޕޭނުގައި ހޯރަފުށީގައި ބޭއްވި ކެމްޕޭން ޖަލްސާގައި ވާހަކަފުޅު ދައްކަވަމުންނެވެ.
ގާސިމް ވިދާޅުވީ ޕީޕީއެމާ އެމްޑީޕީއަށް ވެރިކަން ކުރަން ފުރުސަތު ލިބިފައިވާ ކަމަށާއި ނަމަވެސް ރައްޔިތުންނަށްވީ ފައިދާއެއް ނެތްކަމަށެވެ. އެއީ އެ ދެ ޕާޓީން ވެސް ރައްޔިތުންގެ ހައްގުތަކަށް އަރައިގެންފައިވާތީ ކަމަށެވެ. އެހެންކަމުން އެފަރާތްތަކަށް ވޯޓުދޭންޖެހޭ ސަބަބެއް ނެތްކަމުގައި ގާސިމްގެ ވާހަކަފުޅުގައި ފާހަގަކުރެއްވިއެވެ.
"ތިޔަ ބޭފުޅުން ޕީޕީއެމާ އެމްޑީޕީއަށް އަދި ދަ ޑިމޮކްރެޓްސްއަށް ވޯޓުދެއްވައިގެން ނުނިންމަވާ. އެއީ ހަމަ އެކައްޗެއް. ހަމަ އެއް އެއްދާންޏަކުން ނަގާބައެއް އެއީ" ގާސިމް ވިދާޅުވިއެވެ.
ގާސިމް ވިދާޅުވީ އެބޭފުޅާ ވެރިކަމަށް ކުރިމަތިލައްވަން މި ފަހަރު ޖެހިވަޑައިގަތީ ވެސް މިދެންނެވި ސަބަބުތަކަށްޓަކައެވެ. ގައުމުގެ ހާލަތު ވެއްޓެމުންމިދާ ބޮޑު އަނދަވަޅުން ސަލާމަތް ކުރުމަށްޓަކައެވެ. މިނިވަންކަމުގައި ގައުމު ހިފެހެއްޓުމަަށްޓަކައެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
