ނިޔާޒު ވިދާޅުވެފަ ވަނީ އޭނާ ބޭންކް އަށް ދިޔަ މަގުމަތީ އޭނާއަށް "ގުންޑާ" އެއް އޭނާއާ މަގުމަތިން ދިމާކޮށް ފުރައްސާރަކޮށް އިންޒާދުދީ ހަދާފަވާކަމަށެވެ.
"މިހާރުއްސުރެ ޕީޕީއެމްގެ އަސްލު ސިފަ މިދަނީ ފެންނަމުން. ވެރިކަން ލިބިއްޖެއްޔާ ކަންތައް ހިނގާނެ ގޮތް އަންދާޒާކޮށްލައްވާ،" ނިޔާޒު މިއަދު އޭނާއަށް ފުރައްސާރަކުރިކަން ހާމަކުރަމުން ވިދާޅުވިއެވެ.
މިއަދު އޭނާ ބޭންކަށް ވާޑައިގަންނަވަނިކޮށް ސުވާލުކުރާ ވީޑޯއެއްވެސް މިހާރު ވަނީ ސޯސަލް މީޑިއާގަ އާންމުކޮށްފައެވެ.
އެ ވީޑިއޯގަ ފެންނަނީ ނިޔާޒު ފަހަތުން ގޮސް އެނާ ބޮޑެތި ވިޔަފާރިތަކެއް ފައްޓަވާކަމަށް ތުހުމަތުކޮށް ސުވާލުކޮށްފައެވެ. އެމީހާ ސުވާލުކުރަން ފެށުމުން، އޭނާއަށް ޖަވާބު ދޭން ނުޖެހޭނެކަމަށް ނިޔާޒު ވިދާޅުވެއެވެ.
ސުވާލުކުރާ މީހާވަނީ މިހާރު މީޑިއާތަކަށް ދެނީ ކޮންކަހަލަ އިންޓަވިއުތަކެއްތޯ؟ ސުވާލުކޮށްފައެވެ.
"މަ ބޭނުންވާހަކައެއް މަގޭ ދުލުން ދެއްކޭނެ،" ކަމަށް ނިޔާޒު ވިދާޅުވާމަންޒަރު އެ ވިޑޯއިން ފެނެއެވެ.
