ހުޅުމާލޭ ދެވަނަ ފިޔަވަހި: ކަރަންޓުގެ ހިދުމަތް މެދުކެނޑިފައިވަނީ އާތް ފޯލްޓެއްވެ ކަރަންޓު ކޭބަލަކަށް ލިބުނު ގެއްލުމަކާ ގުޅިގެން ކަމަށް ސްޓެލްކޯއިން ވަނީ ބުނެފައި - ފޮޓޯ:ޝިންވާ
ހުޅުމާލޭން ކަރަންޓު ކެނޑުނީ އާތް ފޯލްޓެއް ވެގެން: ސްޓެލްކޯ
މުހައްމަދު އަތީފް
14 އޮކްޓޯބަރ 2023 - 15:02:38
އުތުރު ހުޅުމާލެ (ދެވަނަ ފިޔަވަހި) ކަރަންޓުގެ ހިދުމަތް މެދުކެނޑިފައިވަނީ އާތް ފޯލްޓެއްވެ ކަރަންޓު ކޭބަލަކަށް ލިބުނު ގެއްލުމަކާ ގުޅިގެން ކަމަށް ސްޓޭޓް އިލެކްޓްރިކް ކޮމްޕެނީ ލިމިޓެޑް (ސްޓެލްކޯ) އިން ބުނެފިއެވެ.
Advertisement
ސްޓެލްކޯގެ އޮފިޝަލަކު "ސީއެންއެމް" އަށް ވިދާޅުވީ ކަރަންޓުގެ ހިދުމަތް މެދުކެނޑުނު ސަރަހައްދުތަކުގެ ތެރެއިން މިހާރު ދެވެން ހުރި ތަންތަނަށް އަލުން ކަރަންޓު ދެމުން އަންނަ ކަމަށެވެ. އަދި ގެއްލުން ލިބުނު ކޭބަލް ރިޕެއާ ކުރުމުގެ މަސައްކަތް ކުރަމުން އަންނަ ކަމަށް އޭނާ ވިދާޅުވިއެވެ.
ދިމާވި ޓެކްނިކަލް މައްސަލައަކާ ގުޅިގެން އުތުރު ހުޅުމާލޭން ކަރަންޓުގެ ހިދުމަތް މެދުކެނޑިފައިވާ ކަމަށް ސްޓެލްކޯއިން ބުނެފައިވަނީ މިއަދު މެންދުރު 1:45 ހާއިރުއެވެ.
ކަރަންޓު ކެނޑުމުގެ ސަބަބުން އެ ސަރަހައްދުތަކުގައި ދިރިއުޅެމުންދާ ފަރާތްތަކަށް ދިމާވި ދަތިތަކަށް ސްޓެލްކޯއިން ވަނީ މާފަށް އެދިފައެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
