އެގޮތުން އެ ކުންފުނިން ވަނީ ދިރާގު ޕޭ ޕްލެޓްފޯމުގައި ޑިޖިޓަލް ވޮލެޓެއް ހުޅުވާ ކުންފުނީގެ ފަރާތުން 100،000 ރުފިޔާގެ ފައިސާގެ އެހީތެރިކަން ފޯރުކޮށްދީފައެވެ. ދިރާގުން ބުނީ މި ވޮލެޓަކީ އާންމުނަށްވެސް ޑޮނޭޓްކުރުމަށް ހުޅުވާލާފައިވާ ވޮލެޓެއް ކަމަށެވެ.
ކިއުއާރް ކޯޑް ސްކޭންކޮށްލައިގެން ނުވަތަ ދިރާގު ޕޭ އެޕްގެ މާޗަންޓް ކޯޑަކަށް 7266 ޖަހާލައިގެން މި ފަންޑަށް ފަސޭހަކަމާ އެކު ފައިސާ ހަދިޔާ ކުރެވޭނެ ކަމަށް އެ ކުންފުނިން ބުނެއެވެ. ދިރާގު ޕޭ އެޕްއަށް ވަނުމަށް: https://dhiraagu.com.mv/dhiraagupay
ދިރާގުން އައިއޭސީ މޯލްޑިވްސް އާ ގުޅިގެން ގާޒާ އިމަޖެންސީ ރިލީފްއަށް ވަނީ ޑޮނޭޓްކޮށްފައި - ފޮޓޯ:ދިރާގު
ދިރާގުން ބުނެފައިވަނީ މި ވޮލެޓަށް ހަދިޔާ ކުރެވޭ ހުރިހާ ފައިސާއެއް ދާނީ ފަލަސްތީނުގައި އައިއޭސީން ކުރިއަށްގެންދާ އިންސާނީ މަސައްކަތަށް އެހީތެރިވުމަށް ކަމަށެވެ.
ދިރާގުން ތިބީ ފަލަސްތީނުގެ ރައްޔިތުންނާ އެކު އަދި މިފަދަ ހަރަކާތްތަކަށް އެހީތެރިކަން ފޯރުކޮށްދިނުމަށް ކަމަށް އެ ކުންފުނިން ބުނެއެވެ.
