އިންތިހާބީ ރައީސްގެ އޮފީހުގެ ތަރުޖަމާން މިކަން ހާމަކުރެއްވީ، އިންތިގާލީ މަރުހަލާގެ މަސައްކަތްތައް ކުރިއަށްދާ ގޮތް އާންމު ކުރުމަށް ބާއްވާ ސިލްސިލާ ނޫސްވެރިންގެ ބައްދަލުވުމުގައެވެ.
ފިރުޒުލް މިއަދު ވިދާޅުވީ އިންތިގާލީ ކޮމެޓީތަކުން މިހާތަނަށް ކުރި މަސައްކަތްތަކުން ބައެއް އިދާރާތަކާއި ކުންފުނިތަކުގެ ހާލަތު ވަރަށް ދެރަ ކަމަށް ފާހަގަ ކުރެވިފައިވާ ކަމަށެވެ. ކޮމެޓީތަކުން އެކުލަވާލާ ރިޕޯޓުގައިވާ ކަންކަން ތަފްސީލީ ގޮތެއްގައި ދެނެގަނެވޭނީ ހާއްސަ އޮޑިޓެއް ހަދައިގެންކަން ވެސް އޭނާ ފާހަގަ ކުރެއްވި އެވެ.
އިންތިގާލީ ކޮމެޓީތަކުގެ މަސައްކަތްތައް ފެށީ މިމަހުގެ 4 ވަނަދުވަހުއެވެ. 21 ދުވަސްތެރޭގައި ސަރުކާރުގެ 77 މުއައްސަސާއާއި ކުންފުނިތަކަށް ގޮޮސް އިންތިގާލީ ކޮމެޓީތަކަށް މުއައްސަސާތަކުގެ ވަކިވަކި ރިޕޯޓްތަކުގައި، ފާހަގަކުރެވުނު ކަންތައްތައް ހިމަނާ، އެ މައުލޫމާތުތައް ހިއްސާކުރާނެކަމަށް ފިރުޒުލް ވިދާޅުވި އެވެ.
