އާރުޑީސީގެ އެމްޑީ މޫސާ އަލީ މަނިކު: ފުލުހުން ބުނީ އޭނާއަށް ހަމަލާދިން މައްސަލަ ތަހުގީގު ކުރަމުން އަންނަ ކަމަށް
އާރުޑީސީގެ އެމްޑީއަށް ހަމަލާދިން މައްސަލަ ދަނީ ތަހުގީގު ކުރަމުން: ފުލުހުން
މުހައްމަދު އަތީފް
31 އޮކްޓޯބަރ 2023 - 11:38:16
ރޯޑް ޑިވެލޮޕްމަންޓް ކޯޕަރޭޝަން (އާރުޑީސީ) ގެ މެނޭޖިން ޑިރެކްޓަރު، މޫސާ އަލީ މަނިކަށް ހަމަލާދީ، މާރާމާރީ ހިންގާ، މަރުގެ އިންޒާރު ދިން ކަމަށް ބުނާ މައްސަލަ ތަހުގީގު ކުރަމުން އަންނަ ކަމަށް ދިވެހި ފުލުހުންގެ ހިދުމަތުން ބުނެފި އެވެ.
Advertisement
ފުލުހުން މިއަދު ބުނެފައިވަނީ މި މައްސަލަ އެ އިދާރާއަށް ހުށަހަޅާފައިވަނީ ރޭގެ ވަގުތެއްގައި ކަމަށެވެ.
އެކަމާ ގުޅޭގޮތުން ރޭ މޫސާ އަލީ މަނިކު އެކްސްގައި ވިދާޅުވީ އިއްޔެ ހަވީރުގެ ވަގުތެއްގައި އޭނާގެ ދަރިފުޅާއެކު ސައިކަލުގައި ދަނިކޮށް މީހަކު އޭނާ އާއި ދަރިފުޅާ ދިމާލަށް އަވަގުރާނަ ގޮވާފައިވާ ކަމަށެވެ.
އޭގެ އިތުރުން އޭނާގެ ގަޔަށް އަތްލައި، މާރާމާރީ ހިންގާ، އޭނާ އާއި ދަރިފުޅުވެސް މަރާލާނެ ކަމަށް ބުނެ އިންޒާރު ދީފައިވާ ކަމަށް މޫސާ އަލީ މަނިކު ވިދާޅުވެފައިވެ އެވެ. މޫސާ އަލީ މަނިކު ވިދާޅުވި ގޮތުގައި އެ މައްސަލަ އޭރު ފުލުހުންނަށް ހުށަހަޅާފައިވާ ކަމުގަ އެވެ.
100%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
