އަބްދުއްރަހީމް މިހެން ވިދާޅުވެފައިވަނީ ޕީޕީއެމް/ޕީއެންސީން ރޭ އައްޑޫ ސިޓީގައި ބޭއްވި ޖަލްސާގައި ވާހަކަ ދައްކަވަމުންނެވެ.
އަބްދުއްރަހީމް މި މޭރުމުން ޖަމީލަށް ރައްދު ދެއްވާފައި މިވަނީ މިދިޔަ ހޯމަ ދުވަހު ޕީޕީއެމް/ޕީއެންސީން ބޭއްވި ޖަލްސާގައި ޖަމީލް ދެއްކެވި ވާހަކަތަކާ ގުޅިގެންނެވެ. އެ ޖަލްސާގައި ޖަމީލު ވިދާޅުވެފައިވާ ގޮތުގައި ހެދޭނެ އެންމެ ބޮޑު ގޯހަކީ ލިބުނު ކާމިޔާބީ ހަނދާން ނައްތާލުން ކަމުގަ އެވެ.
ޖަމީލަށް ނުސީދާކޮށް އިޝާރާތް ކުރައްވާ އަބްދުއްރަހީމް ވިދާޅުވީ އޭރު ރައީސް ޔާމީންގެ ވެރިކަން ނިމުމަކަށް ގެންނަން މަސައްކަތްކުރި މީހުންނަށް ވެރިކަމާ ހަމަޔަށް އާދެވުނު ގޮތް ހަނދާން ނެތުނަސް، ޕީޕީއެމް/ޕީއެންސީ ގެ ޓީމުން އެ ހަނދާން ނެތިގެން ނުދާނެ ކަމަށެވެ.
އިންތިހާބީ ރައީސް ޑރ. މުހައްމަދު މުއިއްޒު ވެވަޑައިގަންނަވާނީ ތެދުވެރި، އަމާނާތްތެރި ވެރިޔަކަށް ކަމަށް އަބްދުއްރަހީމް ވިދާޅުވި އެވެ. އަބްދުއްރަހީމް ވަނީ މުއިއްޒުގެ ސަރުކާރު ދެމެހެއްޓުމަށް މަސައްކަތް ކޮށްދިނުމަށް ސަޕޯޓަރުންގެ ކިބައިން އެދިވަޑައިގެންފަ އެވެ.
