އެނގިފައިވާ ގޮތުގައި އެއީ އެ އަތޮޅު ސިނަމަން ހަކުރާ ރިސޯޓުގެ ލޯންޗެކެވެ. އެ ލޯންޗު ވަގަށް ނަގައިގެން އެ ކުއްޖަކު ހުޅުމާލެ އައީ ރޭ ދަންވަރެވެ. ލޯންޗު ދުއްވީ އެ ކުއްޖާ އަމިއްލަ އަށެވެ.
މި މައްސަލައާ ގުޅިގެން ފުލުހުން ބުނީ، މ. އަތޮޅުން ލޯންޗެއް ގެއްލިގެން މިއަދުގެ ވަގުތެއްގައި ފުލުހުންނަށް ރިޕޯޓުކޮށްފައިވާ ކަމަށެވެ. އެ ލޯންޗު ހުޅުމާލޭ، އެމްޓީސީސީ ފެރީ ޓާމިނަލް ކައިރީ ފަޅުގައި އޮއްވައި މިހާރު ފެނިފައިވާ ކަމަށް ވެސް ފުލުހުން ބުންޏެވެ.
ލޯންޗު ގެއްލިގެން ޕޯސްޓު ކުރި މީހާ ބުނެފައި ވަނީ އެ ކުއްޖާ ލޯންޗުގައި ދިޔައީ "ލޯބިވެރިޔާއާ ބައްދަލުކުރަން" ކަމަށެވެ. ލޯންޗަށް ބޮޑެތި ގެއްލުންތަކެއް ލިބިފައިވާ ކަމަށް ވެސް އެމީހާ ވަނީ ބުނެފައެވެ. ނަމަވެސް އެމީހާ ވަނީ ފަހުން އެހެން ބުނި ޕޯސްޓް ޑިލީޓްކޮށްފައެވެ.
ފުލުހުން މިހާރު އަންނަނީ މި މައްސަލަ ތަހުގީގު ކުރަމުންނެވެ.
