އާބަންކޯއިން ބުނީ، އެ ޝަކުވާތަކާ ގުޅިގެން އިތުރަށް ބަލަންޖެހޭ ކަންތައްތަކެއް ހުރިކަމަށް ފާހަގަކުރެވޭތީ އެޕާޓުމަންޓް ގަތުމަށް އޮންލައިން ޕޯޓަލް މެދުވެރިކޮށް ފޯމު ހުށަހެޅުމުގެ މަރުހަލާ މިހާރު މަޑުޖައްސާލަން ނިންމާފައިވާ ކަމަށެވެ.
ވިނަރެސް މަޝްރޫއު އިން ނުވިކި ހުރި ފްލެޓުތައް ވިއްކަން ހުޅުވާލީ މިއަދު ހެނދުނު 10:00 އިން 15:00 އަށެވެ. އަދި އެ ފްލެޓުތައް ވިކި ހުސްވަންދެން ކޮންމެ ދުވަހަކުވެސް އެ ގަޑިތަކުގައި އޮންލައިންކޮށް ފޯމު ހުށަހެޅޭ ގޮތަށް ހުޅުވާލަން އާބަންކޯއިން އޮތީ ނިންމާފަ އެވެ. ނަމަވެސް، މިއަދު އެ ފުރުސަތު ހުޅުވާލިތާ މާ ގިނައިރުތަކެއް ނުވެ ހުރިހާ ޔުނިޓުތަކެއް ވަނީ ވިކި ހުސްވެފަ އެވެ.
އަދި، ޕޯޓަލަށް ވަދެވޭގޮތް ނުވެގެން ގިނަ ބަޔަކަށް ފޯމު ހުށަހެޅޭގޮތް ނުވިއިރު، ޔުނިޓުތައް ވިއްކި ހުސްވިލެއް އަވަސް ކަމަށް ބުނެ، ގިނަ ކަންބޮޑުވުންތަކެއް އާންމުން ވަނީ ފާޅުކޮށްފަ އެވެ.
