މިއަދު ބޭއްވި ނޫސްވެރިންގެ ބައްދަލުވުމުގައި ވާހަކަ ދައްވަމުން ފިރުޒުލް ވިދާޅުވީ، މުއައްސަސާތަކާއި ދެކެވުނު ވާހަކަތަކުން ހާމަވީ އެއް މައްސަލައަކީ ބަޖެޓުގެ ދަތިކަންކަމަށެވެ.
މިގޮތުން ފިރުޒުލް ވިދާޅުވީ ބަޖެޓުގެ ދަތިކަމުގެ އިތުރުން، ފަންނީ މުވައްޒަފުން ގެ ދަތިކަންވެސް އެބައޮތްކަމަށް ވިދާޅުވިއެވެ.
ފިރުޒުލް ވިދާޅުވީ ބަޖެޓުގެ ދަތިކަން އޮތުމުގެ ސަބަބުން މުވައްޒަފުންނަށް އެކަށީގެންވާ މުސާރަ ނުދެވުމުގެ ސަބަބުން މުވައްޒަފުން ހަރުނުލާ މައްސަލަ ކުރިމަތިވެފައިވާކަމަށެވެ.
މުއައްސަސާތަކުގެ މާލީ ތަނަވަސްކަން އިތުރުކޮށްދެއްވުމަކީ އިންތިހާބީ ރައީސުލްޖުމްހޫރިއްޔާ ޑރ. މުއިއްޒުގެ ވަރަށް ބޮޑު އަމަޒެއް ކަންވެސް އެނާ ފާހަގަކުރެއްވިއެވެ.
ފިރުޒުލް ވިދާޅުވީ މި މައްސަލަ އެންމެ ބޮޑަށް ދިމާވަނީ ސިވިލްސާވިސް މުވައްޒަފުންނަށްކަމަށެވެ.
ދައުލަތުން ބޮޑު ހަރަދު މުއައްސަސާތަކަށް ކޮންމެ އަހަރަކު ކުރާއިރުވެސް، އެކަށީގެންވާ ނަތީޖާ ނުނިކުންނަކަމަށެވެ.
