އިންޑިއާ ސިފައިން ރާއްޖޭގައި ސްޓޭޝަންވެގެން މަސައްކަތް ކުރަން ތިބިކަން ޔަގީންވެލައްވާކަމަށް އިންތިހާބީ ރައީސުލްޖުމްހޫރިއްޔާގެ ތަރުޖަމާނު މުހައްމަދު ފިރުޒުލް ވިދާޅުވެއްޖެއެވެ.
Advertisement
ފިރުޒުލް މިއަދު ވިދާޅުވީ އިންޑިއާ ސިފައިން ރާއްޖޭގައި ތިބި ސީދާއަދަދު ދިވެހި ސަރުކާރުގެ އެއްވެސް އިދާރާއަކުން އަދި އިންތިހާބީ ރައީސިލްޖުމްހޫރިއްޔާގެ އޮފީހަށް ނުލިބޭކަމަށެވެ. ނަމަވެސް އިންޑިއާ ސިފައިން ރާއްޖޭގައި ތިބިކަން ޔަގީންވާކަމަށެވެ.
"ސިފައިންތިބި އަދަދާ ގުޅޭގޮތުން އެކަށީގެންވާ މައުލޫމާތެއް ލިބިފައެއް ނެތް. މީގަ ދެކަމެއް ފާހަގަކުރެވޭ އެނގޭތޯ؟ ފުރަތަމަކަމަކީ ކުރީއްސުރެ ސަރުކާރުން ފާހަގަކުރަމުން އައި އެވެނި އަދަދެކޭ މިވެނި އަދަދެކޭ. އަދި އެކި ދިމަދިމާލުން ފާހަގަވެފަހުރި އަދަދުތަކެއް ވެސް އެބަހުރި،" ފިރުޒުލް ވިދާޅުވިއެވެ.
އޭނާ ވިދާޅުވީ އެ ދަދަދުތައް 'ކްރޮސް ޗެކްކޮށް ވެރިފައިވެސް ކުރަންޖެހޭނެކަމަށެވެ.
"ޔަގީންވާކަމަކީ އިންޑިއާ ސިފައިންގެ ބޭކަލުން ދިވެހި ފަސްގަނޑުގަ އެބަތިއްބެވިކަން މަސައްކަތްކުރައްވަން ސްޓޭޝަންވެގެން،،" -ފިރުޒުލް-
ނަމަވެސް ސިފައިން ތިބި އަދަދާ ގުޅޭގޮތުން އެކަށީގެންވާ މައުލޫމާތު ލިބިފައިނުވާކަން އިންހާބީ ރައީސުލްޖުމްހޫރިއްޔާގެ ތަރުޖަމާނު ތަކުރާރުކުރެއްވިއެވެ.
ރާޢްޖޭގައި ތިބި އިންޑިއާ ސިފައިން ރާއްޖެއިން ބޭލުމަކީ އިންތިހާބީ ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ ވައުދުފުޅެކެވެ.
