އެމްއެފްޑީއޭއިން ބުނީ ކެމިކަލް މާއްދާއެއް ހުރިކަން ކަށަވަރު ވެފައިވަނީ ބެޗް ނަންބަރު "ބީ220"ގެ ބޭސް ފުޅިތަކުގައި ކަމަށެވެ.
އެމްއެފްޑީއޭއިން މިގޮތަށް އަންގާފައިވަނީ މިދިޔަ އަހަރުގެ އޮކްޓޫބަރު މަހުން ފެށިގެން ދުނިޔޭގެ އެކި ކަންކޮޅުތަކުން އުފައްދާ ކެއްސުމާއި ހުމާއި އަދި ރޯގާއަށް ބޭނުންކުރާ ދިޔާ ބޭހުގައި ކެމިކަލް މާއްދާއެއް ކަމަށްވާ ޑައިއީތައިލިން ގްލައިކޯލް އަދި އިތައިލީން ގްލައިކޯލް ހިމެނޭކަމަށް ދުނިޔޭގެ ސިއްޙަތު ޖަމިއްޔާއިން ކުރައްވާފައިވާ އެލާޓްތަކާ ގުޅިގެންނެވެ.
އެ އެލާޓާ ގުޅިގެން ރާއްޖެއިންވެސް ރެންޑަމްކޮށް މާކެޓުން ސާމްޕަލް ނަގާ ސްކްރީން ކުރުމުގެ މަސައްކަތް ދަނީ ކުރަމުންނެވެ.
އެ ކެމިކަލް ދެނެގަތުމަށް ކުރަން ޖެހޭ ކޮންފަމޭޓިވް ޓެސްޓް ރާއްޖޭގައި ހެދޭނެ އިންތިޒާމް މިވަގުތު ހަމަޖެހިފައިނުވާތީ ޑީއީޖީ އަދި އީޖީ ހުރިކަން ފާހަގަ ކުރެވޭ ސާމްޕަލްތައް ޓެސްޓު ކުރަނީ ރާއްޖެ އިން ބޭރުގެ ލެބޯރެޓަރީއަކަށް ފޮނުވައިގެން
އެމްއެފްޑީއޭއިން ބުނީ، މިއަހަރުގެ މިހާތަނަށް 10 ސާމްޕަލް މޭކެޓުން ނަގާ ސްކްރީން ކުރިއިރު އެ ކެމިކަލް މާއްދާ ހުރިކަން ކަށަވަރުވެފައިވާކަމަށެވެ.
އެލާގޯ ބްރޭންޑްގެ ސިޓްރިޒަން ދިޔާބޭހުގެ އިތުރު ތަހުލީލު ހެދުމަށް ރާއްޖޭން ބޭރަށް ފޮނުވުމަށް ނިންމާފައިވާތީވެ އެ ޓެސްޓްގެ ނަތީޖާ ލިބި ބޭހުގެ ރައްކާތެރިކަން ކަށަވަރު ކުރެވެންދެން އެ ބްރޭންޑް އެތެރެކުރުމަށާއި ވިއްކުމާ ބޭނުން ކުރުމަކީ މަނާކަމެއްގެ ގޮތުގައި އެމްއެފްޑީއޭއިން ވަނީ ކަނޑައަޅާފައެވެ.
