އިންތިހާބީ ރައީސުލްޖުމްހޫރިއްޔާގެ އޮފީހުން މިއަދު ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަވަމުން ފިރުޒުލް ވިދާޅުވީ، ރައީސް ސޯލިހުގެ ވެރިކަމުގެ ބާކީ މިއޮތް ދުވަސްކޮޅުގެ ތެރޭގަ އެންމެ ކަންބޮޑުވާ ކަމެއްގެ ގޮތުގައި، އެ މައްސަލަ ސާފުކޮށްދެވިދާނެކަމަށެވެ.
"އެންމެ ކަންބޮޑުވާކަމެއްގެ ގޮތުގަ އިންތިހާބު ތެރެއިންވެސް އެނގިގެން ދިޔަކަމަކީ މި އެއްބަސްވުންތަކާ ގުޅޭގޮތުން އޮތް ކަންބޮޑުވުން. މިއަދުވެސް އެ ބޭފުޅުން ކުރައްވަން އެންމެ އައުލާ އެއްކަމަކީ މިކަންކަން އަޅުގަނޑު ހިތުން،" ފިރުޒުލް ވިދާޅުވިއެވެ.
އިންޑިއާ ސިފައިން ތިބި އަދަދުވެސް މުއައްސަސާތަކުން އެންމެ އެކަށީގެންވާ ގޮތުގައި މައުލޫމާތު ފޯރުކޮށްދީފައި އަދިވެސް ނުވާކަމަށް ވެސް ފިރުޒުލް ވިދާޅުވާވާހަކަ މިއަދުވެސް ތަކުރާރުކުރެއްވިއެވެ.
ފިރުޒުލް ވިދާޅުވީ ރާއްޖެއާ ގައުމުތަކާ ދެމެދުގައި ހެދިފައިވާ އެއްބަސްވުންތަކުގެ މައުލޫމާތު ހާމަކުރުމުގެ ހައިސިއްޔަތު އަދިވެސް އިންތިހާބީ ރައީސުލްޖުމްހޫރިއްޔާގެ އޮފީހަށް ނެތްކަމަށެވެ.
އިންޑިއާއާއި ރާއްޖެއާއި ދެމެދުގައި ހެދިފައިވާ އެއްބަސްވުންތަކަކީ ދިވެހިރާއްޖޭގެ އިސްތިގުލާލަށް ބުރޫއަރާފަދަ އެއްބަސްވުންތަކެއްކަމަށް ޑރ، މުއިއްޒުވަނީ ކެމްޕޭނުޖަލްސާތަކުގައި ވިދާޅުވެފައިވެއެވެ.
