މިރޭ ސޯޝަލް ސެންޓަރުގައި ނޫސްވެރިންނާއި ބައްދަލުކުރައްވައި، ނޫސްވެރިންގެ ކަންބޮޑުވުންތައް އަޑުއެއްސެވުމަށް ފަހު އިންތިހާބީ ރައީސް ވަނީ އެ ކަންބޮޑުވުންތައް ހައްލުކޮށް ދެވާނެކަމަށް ވިދާޅުވެފައެވެ.
މުއިއްޒު ވަނީ ރިޔާސީ އިންތިހާބުގެ ކެމްޕެއިން ތެރޭގައި ރާއްޖޭގައި ހިންގަމުން އަންނަ މީޑީއާތަކަށް ދައުލަތުގެ ބަޖެޓުން ވަކި އިންސައްތައެއް ދިނުމަށް ވައުދުވެވަޑައިގެންފަ އެވެ.
އެކަން މިރޭ އޮތް ޖަލްސާގައި ފާހަގަކުރައްވަމުން ވިދާޅުވީ 2024 އަހަރަށް ލަފާކުރާ ބަޖެޓު ހުށަހަޅަން އެމަނިކުފާނުގެ ފަރާތުން ކަންތައް ހުށަހެޅުއްވި އިރު މީޑިއާގެ އިސްވެރިންނާއި މަަޝްވަރާ ކުރެވިފައި ނުވާތީ "އަދި ސީދާ އިންސައްތައެއް" ބަޖެޓުގައި ހިމެނިފައިނުވާނެކަމަށެވެ.
ނަމަވެސް ބަޖެޓް ކޮމިޓީ މަރުހަލާތެރޭގައި އެކަންކަމާގުޅޭ ގޮތުން މަޝްވަރާކޮށް ވަކި އިންސައްތައެއް ހިމެނުމަށް މަޖިލީހުގައި އެދޭނެކަމަށް މުއިއްޒު ވިދާޅުވި އެވެ.
މީޑިއާތަކަށް ދައުލަތުގެ ބަޖެޓުން ވަކި އިންސައްތައެއް ކަނޑައެޅުމަށް ފަހު ދެން އޮންނާ ދެފުށް ފެންނަ ޒިންމާދާރު ގަވައިދެއް ނޫނީ އުސޫލެއްގެ ތެރެއިން އެކަންކުރުންކަމަށް ޑރ. މުއިއްޒު ވިދާޅުވި އެވެ.
