މިރޭ ކުރިއަށް ދިޔަ ޕީއެންސީ-ޖޭޕީ ބައްދަލުވުމުގެ ތެރެއިން—
ރައީސް ޑރ. މުއިއްޒު ޖުމްހޫރީ ޕާޓީއާއި ބައްދަލުކުރައްވައިފި
ނަސްރުﷲ މުހައްމަދު ރަޝީދު
25 ނޮވެންބަރ 2023 - 23:47:53
ރައީސް ޑރ. މުހައްމަދު މުއިއްޒު އަދި ޕީއެންސީގެ އިސްވެރިން ޖުމްހޫރީ ޕާޓީގެ ލީޑާޝިޕްގެ ބޭފުޅުންނާއި ބައްދަލުކުރައްވައިފި އެވެ.
Advertisement
މިރޭ ކުރިއަށްދިޔަ ބައްދަލުވުމުގައި ޖުމްހޫރީ ޕާޓީގެ ފަރާތުން އިސްވެ ހުންނެވީ ޕާޓީގެ ޑެޕިއުޓީ ލީޑަރު އައިޝަތު ނަހުލާއެވެ.
އަދި ޕީއެންސީގެ ފަރާތުން ސަރުކާރުގެ މިނިސްޓަރުންނާއި އިސް މަގާމުތަކުގައި ތިއްބެވި ބޭފުޅުން ބަައިވެރިވަޑައިގަތެވެ.
މަޝްވަރާ އާއި ގުޅޭގޮތުން ޖުމްހޫރީ ޕާޓީގެ ތަރުޖަމާނު އަލީ ސޯލިހް ވިދާޅުވީ އެއީ ރައްޔިތުންގެ މަޖިލީހުގެ އިންތިހާބާއި ގުޅޭ ގޮތުން ބޭއްވުނު ބައްދަލުވުމެއް ކަމަށެވެ.
މި ބައްދަލުވުމުގައި ޖޭޕީގެ ފަރާތުން ތިއްބެވީ ކައުންސިލުން ނަގާފައިވާ ކޮމިޓީއެއް ކަމަށް އޭނާ ވިދާޅުވި އެވެ.
ނަމަވެސް އިތުރު ތަފްސީލެއް މިވަގުތު ހާމަކުރެވެން ނެތް ކަމަށް އަލީ ސޯލިހް ވިދާޅުވި އެވެ.
މި ބައްދަލުވުމުގައި ޕީއެންސީގެ ފަރާތުން ތިއްބެވީ:
- ޕީއެންސީގެ ޗެއާޕާސަން އަދި ރައީސް އޮފީހުގެ އަބްދުއްރަހީމް އަބްދުﷲ
- ލޯކަލް ގަވަނެންސް މިނިސްޓަރު އާދަމް ޝަރީފް
- ފޮރިން މިނިސްޓަރު މޫސާ ޒަމީރު
- އިކޮނޮމިކް މިނިސްޓަރު މުހައްމަދު ސައީދު
- ފެލިދޫ ދާއިރާގެ މެންބަރު ފަޒުލް ރަޝީދު
- ރައީސް އޮފީހުގެ މިނިސްޓަރު އާދަމް ރަމީޒު
ރައީސް އޮފީހުގެ މިނިސްޓަރު އަބްދުﷲ ނާސިރު
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
