މި މަހުން ފެށިގެން ހެލްތު މިނިސްޓްރީގެ ދަށުން ހިންގާ މޯލްޑިވްސް ފުޑް އެންޑް ޑްރަޑް އޮތޯރިޓީ (އެމްއެފްޑީއޭ) އަދި ހެލްތު ޕްރޮޓެކްޝަން އެޖެންސީ (އެޗްޕީއޭ)ގެ މުވައްޒަފުންގެ ރަސްމީ މަސައްކަތު ގަޑި ހަވީރު 4 އަށް އިތުރުކުރަން ހެލްތު މިނިސްޓްރީން ވަނީ މީގެ ކުރިން ނިންމާފަ އެވެ.
މިދިޔަ މަހުގެ ތެރޭގައި މަސަކަތް ވަގުތު އިތުރުކުރިކަން އެ އިދާރާތަކުގެ މުވައްޒަފުންނަށް އިންޓާނަލް މެމޯއަކުން ވަނީ އަންފާފަ އެވެ.
ސަރުކާރުގެ ރަސްމީ ގަޑިއަކީ ހެނދުނު 8 އިން މެންދުރު 2 އަށް ކަމަށް ކަނޑައަޅާފައި އޮތަސް ހެލްތު މިނިސްޓްރީގެ ފަންނީ މުވައްޒަފުން ކޮންމެ ދުވަހަކު ވެސް އިތުރު ދެ ގަޑިއިރު މަސައްކަތް ކުރަންޖެހޭ ގޮތަށް ކަނޑައެޅީ މުސާރައިގެ އާ ފްރޭމްވޯކަށް އަމަލު ކުރަން ފެށުމާ ގުޅިގެންނެވެ.
މުވައްޒަފުންގެ ފަރާތުން ރަސްމީ ކަންބޮޑުވުންތައް ލިބެމުންދާ ކަމަށް ބުނެ، ހެލްތު މިނިސްޓްރީން މިއަދު ފޮނުވާފައިވާ އިންޓާނަލް މެމޯއެއްގައި ބުނެފައިވަނީ، ފަންނީ މުވައްޒަފުންގެ މަސައްކަތު ގަޑިތައް ކަނޑައެޅުމުގެ ކުރިން، ކަމާ ބެހޭ ފަރާތްތަކާ އިތުރަށް މަޝްވަރާ ކުރަން ބޭނުންވާ ކަމަށެވެ.
އެހެންކަމުން ވަކި ގޮތެއް އަންގަންދެން ކުރިން ވެސް އޮތްގޮތަށް ހެދުނު 8:00 އިން މެންދުރު 2:00 އަށް މަސައްކަތް ކުރިއަށް ގެންދިއުމަށް އަންގާފައިވެއެވެ.
