ރައްޔިތުންގެ މަޖިލިސް ތަޅުން
މަޖިލީހުގެ ޖަލްސާތައް މި މަހު 18އަށް ދަންމާލައިފި
އަލީ މިދުހަތު
06 ޑިސެމްބަރ 2023 - 14:37:00
ރައްޔިތުންގެ މަޖިލީހުގައި ހިނގަމުން މިދާ މިއަހަރުގެ ފަހު ދައުރުގެ ޖަލްސާތައް މިމަހުގެ 18 ވަނަ ދުވަހުގެ ނިޔަލަށް ދިގުދަންމާލުމަށް މަޖިލީހުން މިއަދު ފާސްކޮށްފި އެވެ
Advertisement
މިއަދު ޖިލީހުގައި ނެގި ވޯޓުގައި، ދައުރު ދިގު ދަންމާލަން ފާސްވީ 43 މެންބަރުންގެ ވޯޓުންނެވެ. އެ ހުށަހެޅުމާ ދެކޮޅަށް އެއްވެސް މެންބަރަކު ވޯޓެއް ނުދެއްވަ އެވެ.
މީގެކުރިންވެސް ބަޖެޓް މަސައްކަތް ނުނިމޭތީ މަޖިލީހުގެ މި ދައުރުވަނީ ޑިސެމްބަރު 7 ގެ ނިޔަލަށް ދަންމާލާފަ އެވެ.
ނަމަވެސް މަސައްކަތްތައް ނިމިފައިނުވާތީ ދައުރު 18 ވަނަ ދުވަހުގެ ނިޔަލަށް އިތުރުކުރުމަށް މަޖިލީހުގެ މިއަދުގެ ޖަލްސާއަށް ހުށަހެޅުއްވީ މަޖިލީހުގެ ރައީސް މުހައްމަދު އަސްލަމް އެވެ.
މަޖިލީހަށް މިވަގުތު ހުށަހެޅިފައިވާ އެންމެ މުހިއްމު ދެ މައްސަލަ އަކީ ދައުލަތުގެ އަންނަ އަހަރުގެ ބަޖެޓް ފާސްކުރުމާއި، އާ ސަރުކާރުގެ ވަޒީރުންނަށް ރުހުން ދިނުމުގެ މައްސަލަ އެވެ. އަދި އެޑިޔުކޭޝަން މިނިސްޓަރު ޑރ އިސްމާއިލް ޝަފީއު މަޖިލީހަށް ހާޒިރުކޮށް ސުވާލު ކުރުން ހިމެނެ އެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
