ބްރޯޑްކޮމްގެ ރައީސް މުހައްމަދު ޝަހީބު-- ފޮޓޯ: އަވަސް
ރައީސް އޮފީހުގެ ތަރުޖަމާނަކަށް ޝަހީބު ހަމަޖައްސަނީ
އަލީ މިދުހަތު
13 ޑިސެމްބަރ 2023 - 11:15:32
ރައީސް އޮފީހުގެ ތަރުޖަމާނަމަށް ތަޖުރިބާކާރު ނޫސްވެރިޔާ އަދި ބްރޯޑްކާސްޓިން ކޮމިޝަންގެ ކުރީގެ ރައީސް މުހައްމަދު ޝަހީބު ހަމަޖައްސަވަން، ނިންމައިފި އެވެ.
Advertisement
ރާއްޖޭގެ އެންމެ ތަޖުރިބާކާރު ނޫސްވެރިންގެ ތެރޭގައި ހިމެނޭ ޝަހީބު ވިދާޅުވީ މަގާމާ ހަވާލުވެވަޑައިގެން މިއަދު އޮފީހަށް ނިކުންނަވަން ފައްޓަވާފައިވާ ކަމަށެވެ.
މިކަމާ ބެހޭ ގޮތުން ރައީސް އޮފީހުން އަދި ރަސްމީ ބަހެއް އަދި ނުބުނެ އެވެ.
ނޫސްވެރިކަމުގެ ދާއިރާ އިން ހިތްވަރު ދިނުމުގެ ގައުމީ އިނާމުވެސް ޝަހީބަށް ލިބިވަޑައިގެންފައިވެ އެވެ.
ކުރީގެ ރައީސް ޔާމީންގެ އެޑްމިނިސްޓްރޭޝަންގައި ބްރޯޑްކާސްޓިން ކޮމިޝަންގެ ރައީސްގެ ގޮތުގައި ޝަހީބު ހުންނަވައިގެން އެ ދުވަސްވަރު ރާއްޖޭގެ ބައެއް ޓީވީ ސްޓޭޝަންތައް ބޮޑެތި އަދަދުތަކުން ޖޫރިމަނާކޮށް ބޮޑެތި ފިޔަވަޅުތަކެއް އަޅާފައިވެ އެެވެ.
ޝަހީބަކީ ހަވީރު ނޫހުގެ އިސް މަގާމުތަކެއް ގިނަ އަހަރުތަކެއް ވަންދެން ފުރުއްވާފައިވާ ބޭފުޅެކެވެ، ހަވީރު ނޫހަށް ފަހު ޝަހީބު ވަނީ 'ސަން މީޑިއާ'ގެ ސީއޯއޯގެ މަގާމު ފުރުއްވާފަ އެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
