މިއަދު ރައީސް އޮފީހުގައި ބޭއްވި ނޫސްވެރިންގެ ބައްދަލުވުމަށް ފަހު ބައެއް މީޑިއާތަކަށް މައުލޫމާތު ދެއްވަމުން ރައީސް އޮފީހުގެ އިސް ތަރުޖަމާނު މުހައްމަދު ޝަހީބް ވިދާޅުވީ މިހާތަނަށް، ރައީސް ސިޔާސީ މުވައްޒަފުން ނަގާފައިވަނީ ހިފަހައްޓަވާނެކަމަށް ވިދާޅުވި އަދަދަށް ވުރެ 50 އިންސައްތަ މަދު އަދަދަކަށް ކަމަށެވެ.
ރައީސް ޑރ. މުހައްމަދު މުއިއްޒު ވަނީ ސަރުކާރުގެ ސިޔާސީ މަގާމުތައް 700 އަށް ވުރެ މަތި ނުކުރައްވާނެ ކަމަށް ތަކުރާރުކޮށް ވިދާޅުވެފަ އެވެ.
މީގެ ކުރިން އިންތިގާލީ މަރުހަލާގައި ފިރުޒުލް ވަނީ، ސަރުކާރުގެ ވުޒާރާތަކާއި، ރައީސް އޮފީހާއި، ރައީސްގެ ގެކޮޅު އަދި ނައިބު ރައީސްގެ ގެކޮޅުގައި މަސައްކަތްކުރާ މުވައްޒަފުން ލައިގެން ޑރ. މުއިއްޒުގެ ވެރިކަމުގައި ސިޔާސީ މަޤާމްތައް 700އަށްވުރެ ގިނަ ނުވާނެ ކަމަށެވެ.
ކުރީގެ ރައީސް އަބްދުﷲ ޔާމީންގެ ވެރިކަމުގައި ސިޔާސީ މަގާމުތަކުގައި 808 މުވައްޒަފުން ތިއްބެވެ.
އެމްޑީޕީގެ ވެރިކަމުގައި 1063 އަށްވުރެ ގިނަ ސިޔާސީ މަޤާމްތައް ވަނީ އުފައްދާފައެވެ.
ސިޔާސީ މަގާމުތައް އިތުރުކޮށް ސަރުކާރުގެ މަތިބަރު ނުކުރާނެކަމަށް ރައީސް އިބްރާހިމް މުހައްމަދު ސޯލިހުވެސް ވެރިކަމަށް ވަޑައިގަންނަވަމުން ވިދާޅުވިއެވެ.
