މާލޭ ސިޓީ ކައުންސިލުން ހާމަކޮށްފައިވާގޮތުން އެ ސަހަރާގައި އަލުން ވަޅުލާން ފެށީ ހުޅުމާލޭ ސަހަރާގައި މީހުން ވަޅުލުމަށް ދަތިތަކެެއް ދިމާވުމުންނެވެ.
މިގޮތުން ހުޅުމާލޭގަަި މީހުން ވަޅުލާން ތިން ހަތަރު ފޫޓަކަށް ކޮންނަން ޖެހޭކަމަށް އެ ކައުންސިލުން ބުންޏެވެ.
"ހުޅުމާލޭ ސަހަރާގައި އެއް ފޫޓު އަޑިއަށް ކޮންނަ ހިސާބުން، މައްޗަށް ފެންގަނޑު އަރާ،" މާލޭ ސިޓީ ކައުންސިލްގެ އޮފިޝަލެއް ވިދާޅުވިއެވެ.
ސިޓީކައުންސިލުން ބުނިގޮތުގައި އާ ސަހަރާގައި ވަގުތީގޮތުން މީހުން ވަޅުލި ނަމަވެސް މައްޔިތާގެ މޫނު ދެއްކުން އޮންނާނީ ހުޅުމާލެ ސަހަރާގަ އެވެ. އާ ސަރަހާގައި މީހުން ވަޅުލުން މެދު ކަނޑާލީ އާ ސަހަރާގައި އާ އިމާރާތެއް އަޅަމުންދާތީ އެވެ. އެ އިމާރާތް އެޅުމުގެ މަސައްކަތް ކުރަމުން އަންނަތާ މިހާރު ގިނަ ދުވަސްތަކެއްވަނީވެފަ އެވެ.
ދެ ބުރީގެ އިތުރު އިމާރާތެއް ހެދުމުގެ މަސައްކަތް ސިޓީ ކައުންސިލުން ފެށީ މިދިޔަ ޖޫން 4 ގަ އެވެ. އަދި އެ މަސައްކަތް ހަވާލު ކުރީ އެއް މަސް ދުވަހުގެ ތެރޭގައި ނިންމުމަށެވެ.
މައްސަލަ ހައްލުވަންދެން މާލެ އާއި ވިލިމާލެ އަދި ހުޅުމާލޭގައި މަރުވާ މީހުން ވަޅުލާނީ އާ ސަހަރާގައިކަމަށް ސިޓީ ކައުންސިލުން ބުންޏެވެ.
