މިއީ މިއަހަރުގެ ޕީކް ސީޒަނަށް ތައްޔާރުވުމަށްޓަކައި، ގެނައުމަށް ހަމަޖެހިފައިވާ ޖެނަރޭޓަރު ސެޓްތަކުގެ ތެރެއިން ގެނެވުނު ދެ ޖަނަރޭޓަރުސެޓް ކަމަށާއި އަދި ޕީކް ސީޒަންގެ ކުރިން މީގެ އިތުރު 2 ޖެނަރޭޓަރު ސެޓާއެކު ޖުމްލަ 6.4 މެގަވޮޓް އަޅުގަނޑުމެންގެ ޕަވަރ ޖަނަރޭޝަން ކެޕޭސިޓީއަށް އިތުރު ކުރެވިގެންދާނެކަމަށް ވެސް ސްޓެލްކޯއިން ބުނެއެވެ.
މީގެ އިތުރުން ސްޓެލްކޯއިން ބުނެފައި ވަނީ މިއާއެކު ޕީކް ސީޒަންގައިވެސް ރައްޔިތުންނަށް މެދުނުކެނޑި 24 ގަޑި އިރު ކަރަންޓުގެ ހިދުމަތް ފޯރުކޮށްދެވޭނެ ކަމުގެ ޔަގީންކަމާއި އެކު މާލެ ސަރަހައްދުގެ ޕަވަރ ސެކިއުރިޓީ އިތުރުކުރެވިގެންދާނެ އެވެ.
މިކަމާ ގުޅިގެން ސްޓެލްކޯގެ މެނޭޖިންގް ޑިރެކްޓާ ހުސައިން ފަހުމީ ވިދާޅުވެފައިވަނީ ސްޓެލްކޯ އަބަދުވެސް ރައްޔިތުންނަށް ފުރިހަމަ ހިދުމަތެއް ފޯރުކޮށްދިނުމުގައި ދެމި އޮންނާނެ ކަމަށާއި އަދި ކުންފުނީގެ މެނޭޖްމަންޓާއި، މުވައްޒަފުންގެ އުއްމީދާއި، ރޫޙު އަބަދުވެސް ހުންނާނީ އެމަގަށް ކަމުގައެވެ.
އަދި މިކަމަށްޓަކައި ކުރަންޖެހޭ ހުރިހާ މަސައްކަތެއް މެނޭޖްމަންޓާއި، މުވައްޒަފުން ކުރަމުންގެންދާނެ ކަމުގެ ޔަގީންކަން އަރުވާފައިވެ އެވެ.
