ފޮރިން މިނިސްޓްރީން މިއަދު ބުނީ، މި މަހުގެ 12 ވަނަ ދުވަހުން ފެށިގެން މޮންގޯލިއާއަށް ވިސާއާ ނުލާ ދިވެހިންނަށް ދަތުރު ކުރެވޭނެ ކަަމަށެވެ.
ވިސާއަށް ދޭން ނިންމި މި ލުއީގެ ދަށުން ޑިޕްލޮމެޓިކް، އޮފިޝަލް އަދި އޯޑިނަރީ ޕާސްޕޯޓް އޮންނަ ދިވެހިންނަށް ވިސާއާއި ނުލާ އެއް މަސް ދުވަހުގެ މުއްދަތަށެވެ މޮންގޯލިއާގައި ތިބެވޭނެ ކަމަށް މިނިސްޓްރީން ބުނެއެވެ.
މިގޮތަށް ނިންމި ކަމަށް ވިއަސް، މިދިޔަ އަހަރުގެ އޮގަސްޓް މަހުގައި ދެ ގައުމުގެ ދެމެދުގައި ސޮއިކުރި ވިސާއާ ގުޅޭ އެއްބަސްވުމުގައި ވާ ގޮތުން ވަޒީފާ އަދާކުރުމަށާއި ކިޔަވުމަށާއި ވިޔަފާރި ދަތުރުތަކަށް ފަދަ ދިގު މުއްދަތަކަށް މަޑުކުރަން ަދާ ފަރާތްތަކަށް ވިސާ ބޭނުންވާނެ ކަމަށް މިނިސްޓްރީން މައުލޫމާތުދެ އެވެ.
ފަހަކަށް އައިސް ރާއްޖޭގެ ރައްޔިތުންނަށް ގިނަ ގައުމުތަކަށް ވިސާ ނެތި ދެވޭ ގޮތް ވަނީ ހަދައިފަ އެވެ. އެގޮތުން މިހާރު ވެސް ވިސާއާ ނުލާ ދިވެހިންނަށް 94 ގައުމަކަށް ދަތުރު ކުރެވެ އެވެ.
