ނިޔާވީ އުމުރުން 13 އަހަރުގެ ފިރިހެން ކުއްޖެއް ކަމަށާއި، އެ ކުއްޖާ ނިޔާވީ މިއަދު ހެނދުނު 11:10 ހާއިރު ކަމަށް އައިޖީއެމްއެޗުން ވަނީ "ސީއެންއެމް" އަށް ކަށަވަރު ކޮށްދީފަ އެވެ.
އެނގިފައިވާ ގޮތުގައި އެ ކުއްޖާ މާލެ ގެނައީ ސްޓްރޯކެއް ޖެހިގެންނެވެ. ބުދަ ދުވަހުގެ ރޭ ހާލުދެރަ ވެގެން ގއ. އަތޮޅު ހޮސްޕިޓަލްގައި ފަރުވާ ދިނުމަށް ފަހު އެ ކުއްޖާ މާލެ ގެނެވުނީ ބުރާސްފަތި ދުވަހުގެ ހަވީރު ކަމަށް މައުލޫމާތު ލިބެއެވެ.
އެ ކުއްޖާ އިތުރު ފަރުވާއަށް މާލެ ފޮނުވުން ލަސްވުމާ ގުޅިގެން، ބުރާސްފަތި ދުވަހުގެ ހެނދުނުން ފެށިގެން ވިލިނގިލީ ރައްޔިތުން ވަނީ އެރަށުގައި ހުންނަ ގއ. އަތޮޅު ހޮސްޕިޓަލް ކައިރިއަށް އެއްވެ މުޒާހަރާ ވެސް ކޮށްފަ އެވެ.
މި މައްސަލައާއި ގުޅިގެން އެ ކުއްޖާ ފުރުވާލުމަށް ހޮސްޕިޓަލުން ކުރަން ޖެހޭ ކަންކަން ކުރި ކަމަށާއި، އޭރު އެކަން ލަސްވަމުން ދިޔައީ ފްލައިޓް އައުން ލަސްވެގެން ކަމަށް ހޮސްޕިޓަލުން ބުނެފައިވާ ކަމަށް މައުލޫމާތު ލިބެއެވެ.
