އެ މިނިސްޓްރީން ބުނީ ޒަމާނީ މެޑިކަލް މި އެނދުތަކުގެ ޖުމްލަ އަގަކީ 504000 ރުފިޔާކަމަށެވެ. މިތަކެތި ހަވާލުކުރުމަށް ބޭއްވި ރަސްމިއްޔާތުގައި ވާހަކަދައްކަވަމުން އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ވިދާޅުވީ މިސްކިތްތައް މަރާމާތުކުރުމަށާއި ދީނީކަންކަމަށް އެހީވުމަށް ގިނަ އަދަދެއްގެ ރައްޔިތުން އެ ވުޒާރާއަށް ފައިސާ ހަވާލުކުރަމުން ގެންދާކަމަށެވެ. މިނިސްޓްރީ ވިދާޅުވީ ހާއްސަ އެހީއަށް ބޭނުންވާ މީހުްނގެ މަރުކަޒަށް ހަދިޔާ ކުރި އެނދަކީ އެގޮތަށް މީހުންކޮސްފައިވާ ހައިރާތުން ހަދިޔާކުރި ތަކެތިކަމަށެވެ.
މިނިސްޓަރު ވަނީ ރައްޔިތުން ހައިރާތާއި ސޮދަގާތުގެ ގޮތުގައި ރާއްޖެއިން ބޭރަށް ހޭދަކުރާކުރުން ރާއްޖޭގެ ކަންކަމަށް ހޭދަކުރުމަށް އެދިވަޑައިވަޑައިގަންނަވާފަ އެވެ. އަދި ނިކަމެތިންނަށާއި ގުރުއާން ކުލާސްތަކަށާއި ގުރުއާން މުބާރާތްތަކަށާއި ޖަމިއްޔާތަކަށާއި ރަށްރަށުގައި ލައިބްރަރީތައް ގާއިމުކުރުމަށާއި ތައުލީމަށާއި އެހެނިހެންވެސް ހެޔޮ ކަންކަމަށް ހަރަދު ކުރުމަށް ކަމަށްވެސް އެދިވަޑައިގެންނެވި އެވެ. މިއިން ކޮންމެ ކަމަކީ ވެސް ދީނުގައި ހެޔޮ ކަމެއް ކަމަށް ޝަހީމް ވިދާޅުވި އެވެ.
އިސްލާމިކް މިނިސްޓްރީން ވަނީ އިސްލާމިކް މިނިސްޓްރީގެ ޗެރިޓީ ފަންޑުގެ ނަމުގައި ފަނޑެއް ގާއިމުކޮށްފަ އެވެ. މިނިސްޓަރ ޝަހީމު ވިދާޅުވީ އެ ފަނޑު ފުޅާކޮށް، ފަސޭހައިން ސަދަގާތް ކުރެވޭނެ ނިޒާމެއް ގާއިމު ކުރާނެ ކަމަށެވެ.
