ހާއްސަ އެހީއަށް ބޭނުންވާ މީހުންގެ މަރުކަޒަށް 32 މެޑިކަލް އެނދު ހަދިޔާކުރުމަށް މިއަދު ބޭއްވި ރަސްމިއްޔާތު މިނިސްޓަރު ވިދާޅުވީ މާތްވެގެންވާ އިސްލާމްދީނަށް ލިބިގެންވާ އެންމެ މަތިވެރި ސިފައަކީ އިހުސާންތެރިކަން ކަމުގައި ވެސް ވިދާޅުވެފައިވެއެވެ.
މީގެ އިތުރުން މިނިސްޓަރު ވިދާޅުވެފައި ވަނީ އިހުސާންތެރިކަމާއި ކުލުނުވެރިކަމަކީ ކީރިތި ރަސޫލާގެ ހުލްގުފުޅުގައި ހުރި އެންމެ މާތް އެންމެ މަތިވެރި ސިފަފުޅުކަމުގަ އެވެ. އަދި ކީރިތި ރަސޫލާއަށް އެންމެ ފުރަތަމަ ވަހީ ބާވައިލެއްވުނު ހާދިސާ އަށް އަލިއަޅުއްވާލައި ވާހަކަފުޅު ދައްކަވަމުން މިނިސްޓަރު ވިދާޅުވެފައި ވަނީ އެ ހާދިސާއިން ވެސް އަޅުގަނޑުމެންނަށް ކީރިތި ރަސޫލާގެ ޝަހުސިއްޔަތުގައި ހުރި ރިވެތި އަހުލާގާއި އިހުސާންތެރިކަމުގެ ސިފަތައް އެނގިގެންދާކަމަށެވެ.
އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު އާއި ސޯޝަލް އެންޑް ޑިވެލޮޕްމަންޓް މިނިސްޓަރު ޑރ. އައިޝަތު ޝިހާމް އަދި ދެ މިނިސްޓްރީގެ އިސްވެރިން
މިހާރުގެ ރައީސް ޑރ. މުހަންމަދު މުއިއްޒު ގެ ސިޔާސަތުތައް ބިނާވެފައި ވަނީ މި އަސާސްތަކުގެ މައްޗައް ކަމަށާއި އެމަނިކުފާނު އެންމެ އުފާފުޅުވާ ކަމަކީ ސޯޝަލް މިނިސްޓްރީގެ މިނިސްޓަރަކަށް ހުންނެވީ ވެސް ތޮބީއަތުގައި ވެސް އޯގާތެރި ބޭފުޅަކަށް ވުމެވެ.
މި ސަރުކާރުން އަދި ވަކިން ހާއްސަކޮށް މިނިސްޓްރީ އޮފް ފެމިލީ އެންޑް ސޯޝަލް ޑެވެލޮޕްމަންޓް އިން ކުރިއަށް ގެންދާ ސިޔާސަތުގެ ސަބަބުން އަޅުގަނޑުމެންގެ މުޖުތަމަުއަކީ ކުލުނުވެރި އޯގާތެރި އެކަކު އަނެކަކަށް އަޅާލާ އެކަކު އަނެކެއްގެ އިހުސާސްތައް ދަންނަ މުޖުތަމައު އަކަށް ވެގެންދާނެކަމަށް ވެސް އިޖުތިމާއީ އަދި އާއިލީ ތަރައްގީއާ ބެހޭ ވަޒީރު ޑރ. އައިޝަތު ޝިހާމް ވެސް ބައިވެރިވެ ވަޑައިގެންނެވި ޖަލްސާގައި ޝަހީމް ވިދާޅުވި އެވެ.
