މެލޭޝިޔާގެ ރަސްކަމާ ހަވާލުވެވަޑައިގެންނެވި ހިޒް މެޖެސްޓީ ސުލްތާން އިބްރާހީމަށް ރައީސް ޑރ.މުހައްމަދު މުއިއްޒު ތަހުނިޔާ ވިދާޅުވެ މެސެޖެއް ފޮނުއްވައިފި އެވެ.
ރައީސް ފޮނުއްވި ތަހުނިޔާގެ މެސެޖްގައި، ދިވެހި ސަރުކާރާއި، ރައްޔިތުންނާއި އަދި އެމަނިކުފާނުގެ އަމިއްލަ ނަންފުޅުގައި، މެލޭޝިޔާގެ ރަސްގެފާނަށް ތަހުނިޔާ ވިދާޅުވެފައިވެއެވެ.'
މިމެސެޖްގައި، ދިވެހިރާއްޖެއާއި މެލޭޝިޔާއާ ދެގައުމުގެ ދެމެދުގައި އޮތް އެކުވެރި ގާތް ގުޅުން، ރަސްގެފާނު ސުލްތާން އިބްރާހީމްގެ ޒައާމަތުގައި އިތުރަށް ބަދަހިވެ އާރޯވެގެންދާނެކަމަށް އުންމީދުކުރައްވާކަމަށް ފާހަގަ ކުރައްވާފައިވެ އެވެ.
ދެގައުމުން އެކުގައި މަސައްކަތްކޮށް ދެގައުމުގެ ރައްޔިތުންނަށް ފައިދާހުރި ކަންކަމުގައި އެކިއެކި ދާއިރާތަކުން އެއްބާރުލުން އިތުރުކުރެއްވޭނެކަމުގެ ޔަގީންކަން އެބައޮތްކަމަށް ރައީސް ފާހަގަ ކުރެއްވިއެވެ.
ރައީސްގެ މެސެޖް ނިންމަވާލެއްވެވީ މެލޭޝިޔާގެ ރަސްގެފާނަށް ދުޅަހެޔޮ ޞިއްޙަތަކަށް އެދިވަޑައިގަންނަވަމުންނެވެ. ސުލްތާން އަބްދުﷲ ރަސްކަމުގެ ހުވާ ކުރެއްވުމަށް ބޭއްވި ރަސްމިއްޔާތުގައި ބޮޑުވަޒީރު މަހާތީރު މުހައްމަދާއި ނައިބު ވަން އަޒީޒާ އިސްމާއީލް ބައިވެރިވެވަޑައިގެންނެވި އެވެ.
ސުލްތާން އަބްދުﷲ ގައުމުގެ ރަސްކަމަށް އިސްކުރީ ކުރީގެ ރަސްގެފާނު ސުލްތާން މުހައްމަދު ފަހެއް ކުއްލި ގޮތަކަށް މިމަހު އިސްތިއުފާ ދެއްވުމާ ގުޅިގެންނެވެ. އެއީ މެލޭޝިއާގެ ރަސްކަލަކު ފަސް އަހަރުގެ ދައުރު ހަމަ ނުވަނީސް އިސްތިއުފާ ދެއްވި ފުރަތަމަ ފަހަރެވެ.
ރަސްގެފާނު މުހައްމަދު އިސްތިއުފާ ދެއްވި ސަބަބެއް ޝާހީ ގަނޑުވަރުން ހާމަ ނުކުރެއެވެ. ނަމަވެސް ރަސްގެފާނު އިސްތިއުފާ ދެއްވީ ރަޝިއާގެ ކުރީގެ ރީތީގެ ރާނީއަކާ ކައިވެނި ބެއްލެވި ކަމަށް ހަބަރު ފެތުރު ފަހުންނެވެ. ރިޕޯޓުތަކުގައިވާ ގޮތުން މިދިޔަ ނޮވެމްބަރު މަހު ރަސްގެފާނު ވަނީ 25 އަހަރުގެ އޮކްސާނާ ވޯވޮޑިނާއާ ކައިވެނި ބައްލަވައިގެންފައެވެ.
މެލޭޝިއާގެ 13 ސްޓޭޓު ތެރެއިން ނުވަ ސްޓޭޓުގައި ޝާހީ އާއިލާ އޮވެ އެވެ. އަދި އެގައުމުގެ ރަސްކަން އޮންނަނީ އެސްޓޭޓުތަކުގެ މެދުގައި ދައުރުވާ ގޮތަށެވެ.
