ކުރިން އޮންލައިންކޮށް ބާއްވަން ނިންމާފައި އޮތް ކޮންގްރެސް މިހާރު އޮތީ ފިޒިކަލްކޮށް ބާއްވާށެވެ. އެހެންނަމަވެސް ކުއްލިއަކަށް އެ ބަދަލު ގެނައި ސަބަބެއް އެފްއޭއެމަކުން ހާމައެއް ނުކުރެއެވެ. ކޮންގްރެސް އޮންނާނީ ޗަމްޕާ ސެންޓްރަލް ހޮޓެލްގައެވެ.
ފީފާގެ އެންގުމާއެކު، އެފްއޭއެމްގެ އިލެކްޓޯރަލް ކޯޑުގައި ހިމެނޭ އިންތިހާބާ ގުޅޭ ކޮމިޓީތައް ފާސްކުރަން މިއަދު ކޮންގްރެސް ބާއްވާއިރު، މި ކޮމިޓީތަކަކީ، 2020 ވަނަ އަހަރުގެ ޖުލައި މަހު އެފްއޭއެމްގެ ރައީސްގެ މަގާމަށް ބައްސާމް އަދީލް ޖަލީލް އިތުރު ދައުރަކަށް އިންތިހާބުވިއިރު، އުފައްދަން ޖެހޭ ކޮމިޓީތަކެކެވެ.
މި ކޮމިޓީތައް އުފައްދާފައި ނެތްއިރު، މީގެ ތެރެއިން އިލެކްޓޯރަލް ކޮމިޓީ ފާސްކޮށްފައި އޮތީ އަސާސީ ގަވާއިދާ ހިލާފަށެވެ. އިލެކްޓޯރަލް އެޕީލް ކޮމިޓީއެއް އުފައްދައިފައި ވެސް ނެތެވެ.
މައުލޫމާތު ލިބިފައިވާ ގޮތުގައި މިއަދު އޮންނަ އެކްސްޓްރާ އޯޑިނަރީ ކޮންގްރެސްގައި ފީފާ އާއި އޭއެފްސީގެ އޮފިޝަލުން ބައިވެރިވާނެއެވެ.
