މި ބިމުގެ ލިޔުންް އެ ކައުންސިލާ ހަވާލުކޮށްދެއްވީ މިނިސްޓަރ އޮފް އެގްރިކަލްޗަރ އެންޑް އެނިމަލް ވެލްފެއަރގެ ނައިބު ފާތިމަތު ޒުހުރާއެވެ. މި ބިން ދީފައިވަނީ ހިޔާ ފްލެޓް ސަރަހައްދުންނެވެ.
ހަ މަސް ދުވަހުގެ ތެރޭ ހުޅުމާލޭގައި ވަގުތީ ކެޓް ޝެލްޓަރެއް އަޅަން މާލޭ ސިޓީ ކައުންސިލާއި އެގްރިކަލްޗާ އެންޑް އެނިމަލް ވެލްފެއާ މިނިސްޓްރީން ސޮއިކުރީ މިދިޔަ 25 ގައެވެ. ބުޅާތަކަށް ހާއްސަ ޝެލްޓާތަކެއް އަޅަން ހުޅުމާލެއިން ވަނީ 5،000 އަކަފޫޓުގެ ބިމެއް ހަމަޖައްސައިފައެވެ. އެތަން ނިމޭއިރު، ބުޅާތަކަށް ހާއްސަ ހޮޓަލާއި ޕާކް އަދި ފިހާރަ ހުންނާނެ އެވެ.
ސިޓީ ކައުންސިލުން ބުނީ ކެޓް ޝެލްޓަާގެ މަސައްކަތް ނިންމާ މިމަހުގެ ތެރޭގައި ބޭނުންކުރަން ފަށާނެކަމަށެވެ.
ކެޓް ޝެލްޓަރ އަޅަން ހާއްސަކުރި ބިން
ހުރިހާ ވަގުތަކު ވެސް ސިއްހީ ހިދުމަތް ލިބޭނެހެން ހުޅުމާލެ ދެވަނަ ފިޔަވައްސާ ގުޅިފައި އޮތް ފަރުކޮޅުފުށީގައި ޕެޓް ކެއާ ފެސިލިޓީއެއް ގާއިމު ކުރަން ނިންމާ ޖެނުއަރީ 11ވަނަ ދުވަހު ވެސް ވަނީ އެއްބަސްވުމެއްގައި ސޮއިކޮށް ބިން ހަވާލުކޮށްފަ އެވެ.
