އެ ޖަމިއްޔާއިން ބުނީ މި ނިންމުމުގެ މަގުސަދަކީ އަލްއަގްސާ އަކީ ޔަހޫދީންގެ ތަނަކަށް ހެދުމަށް ރޭވިފައިވާ ރޭވުންތައް، ތަންފީޒު ކުރުމަށް އުޅޭ މީހުން ބޭރުކޮށް، މިސްކިތް ހިމާޔަތް ކުރުމަށް އަރަބި އަދި މުސްލިމް ލީޑަރުންނާއި ރައްޔިތުންނަށް ގޮވާލުން ކަމަށެވެ.
އިޒްރޭލުގެ ބޮޑުވަޒީރުން ބެންޖަމިން ނަތަންޔާހޫ ވަނީ ރަމަޟާން މަހު ފަލަސްތީނުން އަލްއަގްސާ މިސްކިތަށް ވަނުން ހަނިކުރުމަށް ކެބިނެޓުން ހުށަހެޅި ހުށަހެޅުމަކަށް ތާއީދު ކުރާ ކަމަށް ބުނެފައެވެ.
ނަތަންޔާހޫ އެހެން ބުނި ނަމަވެސް އިސްރާއީލުގެ ފޮރިން މިނިސްޓަރު އިސްރާއީލް ކަޓްޒް ބުނަނީ ކުރިއަށް އޮތް ރަމަޟާން މަހު އަލްއަގްސާ މިސްކިތުގައި އަޅުކަން ކުރުމުގެ މިނިވަންކަން އެގައުމުގެ ސަރުކާރުން ހުއްދަ ކުރާނެ ކަމަށެވެ.
"އެޅޭނެ އެއްވެސް ހުރަހެއް ވެގެންދާނީ ސަލާމަތީ ސަބަބުތަކަށްޓަކައި،" ރެޝެޓް ބެޓް ޕަބްލިކް ރޭޑިއޯއަށް ވާހަކަދައްކަމުން ބުނެފަވެ އެވެ.
އެކަމަކު އިސްރާއީލުގެ މީޑިއާތަކުން ރިޕޯޓްކޮށްފައިވާ ގޮތުގައި ރަމަޟާން މަހު މިސްކިތަށް ވަނުމަށް ހުރަސްތަކެއް އެޅުމަށް އިސްރާއީލުގެ ގައުމީ ސަލާމަތީ މިނިސްޓަރު އިޓަމާ ބެން ގްވީރުގެ ހުށަހެޅުން ބޮޑުވަޒީރު ބެންޖަމިން ނަތަންޔާހޫ އެކަން ގަބޫލުކުރި އެވެ.
ކޮންމެ ގޮތަކަށް އިޒްރޭލުގެ ވެރިންގެ ވާހަކަތައް ހުއްޓަސް ކޮންމެ އަހަރަކުވެސް ރަމަޟާން މަހު އެގައުމުގެ ސިފައިން އަލްއަގްސާ މިސްކިތައް ވަދެ އެތަނުގަ ތިބޭ މުސްލިމުންނަށް އަނިޔާކޮށް ހަދައެވެ.
އަދި ބައެއް ފަހަރު މިސްކިތް ބަންދުކޮށްފަވެސް އެބަހުއްޓެވެ.
