ރައީސް މިހެން ވިދާޅުވީ، ކުރިއަށް އޮތް މަޖިލިސް އިންތިހާބުގެ ކެމްޕޭން ލޯންޗުކުރުމަށް މިރޭ އެމްޑީޕީން އާޓިފިޝަލް ބީޗުގައި ބޭއްވި ޖަލްސާގަ އެެވެ.
އެމްޑީޕީގެ މަޖިލިސް މެމްބަރުންނާއި، މުހާތަބު ކުރައްވާ ރައީސް ސޯލިހް ވިދާޅުވީ، މަޖިލީހުގެ ސްޕަ މެޖޯރިޓީއާއެކު މި ހިނގަމުންދާ މަޖިލީހުގެ ދައުރުގެ ތެރޭގައި އެ ބިލު ފާސްނުކޮށްފިނަމަ ކަންކަން މިސްރާބުން ނެއްޓިގެން ހިނގައިދާނެ ކަމަށެވެ.
އެ ބިލު މަޖިލީހަށް ހުށަހެޅީ، ޕާޓީގެ ޓިކެޓުގައި މަޖިލީހަށް އައުމަށްފަހު ވަކިވެގެން ނުދާނެކަން ޔަގީންކުރަން ކަން ފާހަގުރައްވާ ރައީސް ވިދާޅުވީ، އެގޮތަށް މެމްބަރުން ޕާޓީ ބަދަލުކުރުމުން ޕާޓީއަށް ވާ ދަތި މިފަހުން ވެސް ތަޖުރިބާ ކުރެވިފައިވާ ކަމަށެވެ.
އެންޓި ޑިފެކްޝަން ގާނޫނެއް މިފަހުން އެމްޑީޕީން މަޖިލީހަށް ހުށަހެޅީ، ސަރުކާރު ބަދަލުވުމާއެކު، 12 މެމްބަރަކު ޕާޓީން ވަކިވެ ސަރުކާރާ ގުޅިފައިވަނިކޮށެވެ.
އެންޓި ޑިފެކްޝަން ގާނޫނެއް ކުރީގެ ރައީސް އަބްދުﷲ ޔާމީންގެ ވެރިކަމުގައި ވެސް އެކުލަވާލި އެވެ. އެ ގާނޫނު މަޖިލީހުން އުވާލީ، ގާނޫނު އޮތްގޮތުން މެމްބަރުންނަށް ގެއްލުންވާ ކަމަށް ބުނެ އެވެ.
