އުމުރުން 85 އަހަރުގައި ޝާކިރުބެ ނިޔާވީ، އެނގިފައިވާ ގޮތުގައި، ސްޓްރޯކެއް ޖެހިގެން ހޮސްޕިޓަލުގައި އެޑްމިޓްކޮށް ފަރުވާދެނިކޮށެވެ. ޝާކިރުބެ ވަނީ ނުވަދިހައިގެ އަހަރުތަކުން ފެށިގެން ފިލްމުތަކާއި ގިނަ ޑްރާމާތަކުގައި ބައްޕައެއްގެ ރޯލު ކުޅެފަ އެވެ. އޭނާގެ މަޑުމައިތިރި އަޑާއި އެކްޓިންގެ ހުނަރު ގިނަ ބަޔަކަށް ކަމުދިޔަ އެވެ.

އަބަދުވެސް ފިލްމީ ދާއިރާއަށް ޝައުގުވެރިވި ޝާކިރުބެ ފިލްމު ކުޅެން ފެށީ ޓީވީއެމްގެ ވަޒީފާގައި އުޅެމުންނެވެ. ފުރަތަމަ ފެނިލުމަށް ފަހު، ޓީވީއެމްގެ ގިނަ ޑްރާމާތައް ވެސް ކުޅުނެވެ.

ވަކި ހިސާބަކުން ފިލްމީ ދާއިރާއަށް ދުރަށް ދިޔަ ޝާކިރުބެ ވަނީ ސަރުކާރަށް 35 އަހަރު ހިދުމަތްކޮށްދީފަ އެވެ. ޝާކިރުބޭގެ ގާތް މީހުން ކިޔައިދިން ގޮތުގައި ޝާކިރުބެއަކީ އަބަދުވެސް ފިލްމީ ދާއިރާގައި ހަރަކާތްތެރިވާން ބޭނުންފުޅުވި ބޭފުޅެކެވެ. އޭނާ ކުޅުއްވި ހުރިހާ ފިލްމެއް އަދިވެސް ޑްރާމާ އެއް ވެސް ކުޅުއްވީ ވަރަށް ޝައުގުވެރިވެ ވަޑައިގެން ވަރަށް ބޮޑަށް އެކަން ކުރައްވަން ބޭނުންފުޅު ވެގެނެވެ.