ފުލުހުންނަށް އިންޒާރުދީގެން ހަތަރު މީހަކު ހައްޔަރު ކުރިއިރު، އެ މީހުން ހައްޔަރުކޮށްފައިވަނީ އެކި ދުވަހުގެ މަތިން ވަކިވަކިންނެވެ. އަދި އެ މީހުން ހައްޔަރުކޮށްފައިވަނީ ކޯޓު އަމުރު ހޯދައިގެންނެވެ. ފުލުހުން ބުނީ ހައްޔަރުކޮށްފައިވަނީ 21 އަހަރުގެ ދެ މީހުންނާއި 24 އަހަރުގެ މީހަކާއި 26 އަހަރުގެ މީހެއް ކަމަށެވެ.
ފުލުހުން ބުނީ، ފެބްރުއަރީ 11 ވަނަ ދުވަހު 13:20 ހާއިރު ހުޅުމާލެ ފޭސް އެކަކުން ޓްރެފިކް ގަވާއިދާއި ހިލާފަށް އަދި އާއްމު ރައްޔިތުންގެ ހިތްތަކުގައި ބިރުވެރިކަން އުފެދޭ ގޮތަށް ބާރު ސްޕީޑުގައި ދުއްވި ސައިކަލެއް މަޑުކުރަން ފުލުހުން އުޅުމުން އެ ސައިކަލު މަޑު ނުކޮށް ބާރު ސްޕީޑުގައި ހުޅުމާލެ ފޭސް ދެއަކަށް ދިޔަ ކަމަށެވެ. ފުލުހުން އެ ސައިކަލު ހުއްޓުވީ ފޭސް ދޭއްގައި ހުންނަ ހިޔާ ފްލެޓް 11 ކައިރިންނެވެ.
ފުލުހުން ބުނީ ހައްޔަރުކުރި މީހުންގެ ތެރެއިން 21 އަހަރުގެ ދެ މީހުންނާއި 24 އަހަރުގެ މީހާ ހައްޔަރު ކުރީ ހުޅުމާލެއިން ކަމަށާއި 26 އަހަރުގެ މީހާ ހައްޔަރުކުރީ ލ. ގަމުން ކަމަށެވެ. އޭގެ ތެރެއިން 21 އަހަރުގެ އެކަކު ހައްޔަރުކުރީ މިއަދު އެވެ.
