ހޯމް ލޭންޑް މިނިސްޓްރީގެ ދަށުން ހިންގާ އޮފީސްތަކާއެކު މިއަދު ބޭއްވި ނޫސްވެރިންގެ ބައްދަލުވުމުގައި މިނިސްޓަރު އިހްސާން ވިދާޅުވީ އެވަރުގެ ޖަލު ހުކުމެއް އަންނަނީ ފުލުހުންނާއި ޕްރޮސިކިއުޓަރުން ކުރާ ވަަރަށް ބުރަ މަސައްކަތުން ކަމަށާއި ހާއްސަކޮށް ޑްރަގް މައްސަލަތަކުގައި ކުށް ސާބިތުވަނީ ވަރަށް ބޮޑެތި މަސައްކަތްތަކެއްކޮށްގެން ހޯދާ މައުލޫމާތާއި ހެކި ހުށަހަޅައިގެން ކަމަށެވެ.
އިހުސާން ވިދާޅުވީ އުމުރަށް ޖަލަށްލެވެނީ ފުލުހުންނާއި ޕްރޮސިކިއުޓަރުން ކުރާ ވަަރަށް ބުރަ މަސައްކަތުން ކަމަށެވެ.
ކޯޓުގެ މަރުހަލާގައި ވެސް އެތައް ދުވަހެއް ފާއިތުވާފަހުން މީހެއްގެ މައްޗަށް އުމުރު ދުވަހުގެ ޖަލު ހުކުމެއް ސާބިތުވެފައި ވަނިކޮށް، ރައީސްއަށް ލިބޭ ބާރުގެ ދަށުން އެ ކުށްވެރިން މިނިވަން ކުރުަމަކީ ކަންބޮޑުވާ ކަމެއް ކަމަށް މިނިސްޓަރު ފާހަގަ ކުރެއްވި އެވެ.
މިގޮތަށް ދޫކުރެވޭ މީހުން މައްސަލަތަކުގައި އަނެއްކާ ފެންނަމުންދާކަން ފާހަގަކުރެވޭ ކަމަށާއި މަސްތުވާތަކެތި ޓްރެފިކް ކުރާ 314 މީހުން އާންމު މުޖުތަމައުތެރެއަށް ދޫވެގެން ދިއުމަކީ މަސްތުވާތަކެތީގެ މައްސަލަ ހައްލުކުރަން ކުރިމަތިވާ ބޮޑު ގޮންޖެހުމެއް ކަމަށް މިނިސްޓަރު ވިދާޅުވި އެވެ.
