ރޯދަމަހާއި ދިމާކޮށް މާލޭގެ މަގުތަކަށް ކުނިތައް ނެރެ އެކި ތަންތަނަށް ޖަމާކޮށްފައި ބައެއް ފަރާތްތަކުން ބެހެއްޓިއެވެ. އެއާއި އެކު އެތައް ބަޔަކުވަނީ އެ ފޮޓޯތައް ސޯޝަލް މީޑިއާގައި ހިއްސާކޮށް ކަންބޮޑުވުން ފާޅުކޮށްފައެވެ.
މާލޭ މޭޔަރު އާދަމް އާޒިމް ވިދާޅުވީ މިިދދިޔަ 15 ދުވަހުގެ ތެރޭގައި މާލޭގެ މަގުތަކުން 200 ޓަނުގެ ކުނި ނަގާފައިވާކަމަށެވެ.
މާލެޭގެ މަގުތަކުގައި މުނި ގިނަވެގެން މަގުތައް ސާފުކުރުމަށް ސިފައިންނާއި ސްކައުޓުންނާއި ވެމްކޯގެ މުވައްޒަފުންވެސް ވަނީ ނުކުމެފައެވެ.
މާލޭގެ މަގުތަކަށް އަޅާފައިވާ ކުނިތައް
ވެމްކޯ އިން ބުނީ ރޯދަ މަހާއި ދިމާކޮށް ބޮޑެތި ކުނި އުފައްދާ މިންވަރު އިތުރުވެ ކުނިތައް އުކާލުމަށް ދިމާވެފައިވާ މައްސަލައަށް ހައްލެއް ހޯދާ ދިނުމަށް ރެއިން ފެށިގެން ގްރޭޓަރ މާލެ ސަރަހައްދުގައި ވެމްކޯގެ ޓްރާސްފާ ސްޓޭޝަންތަކަށް އާންމު ރައްޔިތުން ގެންނަ ބޮޑެތި ކުނި އަދި ގެ ސާފު ކުރުމުގައި އުފައްދާ ކުނި ހިލޭ އުކޭނެ އިންތިޒާމު ހަމަޖައްސާފައިވާ ކަމަށެވެ.
އެ ފުރުސަތު މާޗް މަހުގެ 13 ވަނަ ދުވަހުގެ 11:59 އާ ހަމައަށް އޮންނާނެކަމަށްވެސް ވެމްކޯއިން ބުނެއެވެ. މި މުއްދަތުގައި އާންމު ރައްޔިތުންގެ ކުނި ގެންނަ ވެހިކަލްތަކުން އެންޓްރީ ފީ އަދި ޑިސްޕޯސަލް ޗާޖެއް ވެސް ނުނަގާނެކަމަށްވެސް ވެމްކޯއިން ބުނެއެވެ.
