Advertisement

ބާސެލޯނާ ކުއާޓާއަށް ދިޔައީ، އިޓަލީގެ ނަޕޯލީގެ މައްޗަށް 4-2 ގެ އެގްރިގޭޓް ނަތީޖާއިން މޮޅުވެގެންނެވެ. މިއީ، ލިއޮނަލް މެސީ، އެ ޓީމު، 2021 ގައި ދޫކޮށްލިފަހުން ޗެމްޕިއަންސް ލީގުގެ ކުއާޓާގެ ޖާގައެއް ބާސާ އަށް ހޯދުނު ފުރަތަމަ ފަހަރެވެ.

ޗެމްޕިއަންސް ލީގުގެ ގަދަ 16 ޓީމުގެ ބުރުގައި ނަޕޯލީ އާއި ބާސާގެ ފުރަތަމަ ލެގް މެޗު ނިމުނީ 1-1 ން އެއްވަރުވެގެންނެވެ. ރޭ ބާސާގެ މިހާރުގެ ހޯމް ދަނޑުގައި ކުޅުނު މެޗުން މޮޅުވީ 3-1 ންނެވެ. އެހެންކަމުން 4-2 ގެ އެގްރިގޭޓް ނަތީޖާއަކުން ބާސާ ކޮލިފައިވީއެވެ.

ޗެމްޕިއަންސް ލީގުގެ ކުއާޓާ ފައިނަލުގައި ބާސާ އެންމެ ފަހުން ކުޅުނީ 2020 ގަ އެވެ. މިދިޔަ ދެ އަހަރު އެ ޓީމު ޗެމްޕިއަންސް ލީގުން ކެޓީ ގުރޫޕް ސްޓޭޖުންނެވެ.