ރައްޔިތުން މަޖިލީހުގައި މެމްބަރުން ކުރެއްވި ސުވާލުތަކަށް ޖަވާބުދެއްވަމުން ވަޒީރު އިހްސާން ވިދާޅުވީ ގަވައިދާ ހިލާފަށް ބިދޭސިން އެތެރެކުރުމުގައި ދައުލަތުގެ މަގާމުތަުގައި ތިބި މީހުންގެ އިހްމާލު ވަރަށް ބޮޑުކަމަށެވެ. އަދި އެމީހުން އެކަން ކޮށްފައިވަނީ ގާނޫނުގައި ހުރި ލޯވަޅުތައް ހޯދައިގެން އޭގެތެރެއިން ކަމަށެވެ. އެހެންކަމުން އެފަދަ މައްސަލަތައް ބަލާ ތަހުގީގުކުރަމުން އަންނަކަމަށާއި އެމީހުންނާއި މެދު ހަރުކަށި ފިޔަވަޅު އަޅާނެކަމަށް އިހްސާން ވިދާޅުވިއެވެ.
ވަޒީރު އިހްސާން ވިދާޅުވީ ރާއްޖޭގައި ގަވައިދާ ހިލާފަށް އުޅޭ ބިދޭސީން އަހަރެއްގެ ތެރޭގައި ހޯދާ އަދަދު ހާމަކުރާނެކަމަށެވެ. އަދި އެކަން ކުރުމަށް ރާއްޖޭގައި އުޅޭ ހުރިހާ ބިދޭސީންގެ އިނގިލީގެ ނިޝާބް ނެގުމުގެ މަސައްކަތް ކުރަމުން އަންނަކަމަށްވެސް ދާހިލީ ވަޒީރު ވިދާޅުވިއެވެ.
ރާއްޖޭގައި ބަންގްލަދޭޝްގެ 135،149 މަސައްކަތްތެރިންނަށް މިވަގުތު އެކްޓިވް ވާކްޕާމިޓް ދޫކޮށްފައިވާކަމަށް ދާހިލީ ވުޒާރާއިން ބުނެއެވެ. އެހެންނަމަވެސް ގަވައިދުން ފައިސާ ދައްކާ މީހުންގެ އަދަދު 40 ހާހަށްވެސް ނާރާކަމަށް އެ ވުޒާރާއިން ބުނެއެވެ.
