ޝާހިދު މ. ރަތްމަންދޫ ކުރެއްވި ޒިޔާރަތުގައި
ރައްޔިތުންގެ އިހްސާސްތަކަށް ސަރުކާރުން ދަނީ ފުރަގަސްދެމުން: ޝާހިދު
މުހައްމަދު އާދަމް އަހްމަދު
23 މާރޗް 2024 - 14:27:37
ފަށާފައިވާ ތަރައްގީ މަސްރޫއުތައް ހުއްޓާލާ ރައްޔިތުންގެ އިހްސާސްތަކަށް މި ސަރުކާރުން ފުރަގަސްދެމުން ގެންދާކަމަށް އެމްޑީޕީގެ ރައީސް އަބްދުﷲ ޝާހިދު ވިދާޅުވެއްޖެ އެވެ.
މަޖިލިސް އިންތިހާބުގެ ކެމްޕެއިންގައި މ. ރަތްމަންދޫގައި ހުންނަވާ ޝާހިދު ވިދާޅުވީ ކުޑަ ރަށެއް ބޮޑު ރަށެއް ތަފާތުކުރުމެއް ނެތި މި ސަރުކާރުން ރަށްރަށުގެ ތަރައްޤީގެ މަޝްރޫޢުތައް ހުއްޓާލާފއިވާކަމަށެވެ. މިގޮތުން
ރަތްމަންދޫގެ ހުރިހާ މަޝްރޫޢެއްވަނީ ހުއްޓާލާފައިވާކަމަށް ޝާހިދު ވިދާޅުވިއެވެ.
"މިރަށުގެ އާބާދީ ގާތްގަޑަކަށް 230. ފެނާއި ނަރުދަމާ މަސައްކަތުގެ 90 ޕަސެންޓް ގާތްގަޑަކަށް ނިމިފައި. އިންޖީނުގެ ގާތްގަޑަކަށް ނިމިފައި. އެނޫންވެސް އެކި މަސައްކަތް ފެށި އެކި މަރުހަލާގައި އެބަހުރި. "ޝާހިދު ވިދާޅުވި އެވެ.
މިސަރުކާރުން މިއަހަރުގެ ފުރަތަމަ 3 މަސްދުވަހު ތަރައްގީއަށް ހޭދަކޮށްފައިވަނީ 300 މިލިއަންކަމަށާއި އެމްޑީޕީން މިދިޔަ އަހަރުގެ ފުރަތަމަ 3 މަސްދުވަހު ތަރައްގީއަށް 1.7 ބިލިއަން ހޭދަކޮށްފައިވާކަން ޝާހިދު ފާހަގަކުރެއްވި އެވެ.
"ރާއްޖޭގެ ރަށްރަށުގައި ފަށާފައިވާ ތަރައްގީ މަސްރޫތައް އެދަނީ ވީރާނާވަމުން. ގެނެސްފައި ހުރި ތަކެތި ދަނީ ބޭކާރުވަމުން. ރައްޔިތުންގެ އިހްސާސްތަކަށް މި ސަރުކާރުން ދަނީ ފުރަގަސްދެމުން." ޝާހިދު ވިދާޅުވިއެވެ.
އިބްރާހިމް މުހައްމަދު ސާލިހްގެ ވެރިކަމުގައި މި ސަރުކާރަށް ވުރެ ގިނައިން ތަރައްގީ އަށް ހޭދަކޮށްފައިވާކަމަށް ރައީސް ޔާމީންވެސް ވަނީ ވިދާޅުވެފަ އެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
