Advertisement

ފުލުހުން ބުނީ ހޯދަމުން ދަނީ މއ. ޕެރީހީލިއަން، އަކްރަމް އަދީލް ސައީދު ކަމަށެވެ. އަދި އާއިލާއަށް ހަބަރެއްނުވެ އޭނާ ގެއްލިފައިވާ ކަމަށް ރިޕޯޓްކޮށްފައިވަނީ މި މަހުގެ 25 ވަނަ ދުވަހު 19:22 އެހާކަންހާއިރު ކަމަށް ފުލުހުން ބުނެ އެވެ. 

އަކްރަމް އެންމެ ފަހުން ފެނިފައިވަނީ މި މަހުގެ 23 ވަނަ ދުވަހުގެ 13:15 ހާއިރު، އޭނަ މިހާރު ދިރިއުޅޭ ހުޅުމާލެ ފޭސް 2، އެޗް 15 އިން ކަމަށް އާއިލާއާ ހަވާލާދީ ފުލުހުން މައުލޫމާތުދެ އެވެ.

އެހެންކަމުން އޭނާގެ އެއްވެސް މައުލޫމާތެއް ލިބިފައިވާނަމަ ފުލުހުންގެ ހޮޓްލައިން 3322111 އަށް ނުވަތަ ހުޅުމާލެ ފޭސް 2 ޕޮލިސް ސްޓޭޝަން ނަންބަރު 3035336 އަށް ގުޅައިގެން ހިއްސާކުރުމަށް ފުލުހުން ވަނީ އެދިފަ އެވެ.