އަބްދުއްރަހީމް މިހެން ވިދާޅުވީ ޕީޕީއެމް ޕީއެންސީގެ އިސް ބޭފުޅުން މިއަދި ބޭއްވި ޕެނަލް ޑިސްކަޝަނެއްގައެވެ.
މި ޕެނަލްގައި ވާހަކަދައްކަވަމުން އަބްދުއްރަހީމް ވަނީ ޔާމީން އަރުގައި މިހާރު ތިއްބެވި ބޭފުޅުންނަކީ އެމަނިކުފާނަށް އިހްލާސްތެރި ބައެއް ނޫންކަމަށެވެ. މި މޭރުމުން ވާހަކަ ދައްކަވަމުން އަބްދުއްރަހީމް ވަނީ ޔާމީން އަރިހުގައި މިހާރު ތިއްބެވި ބޭފުޅުންގެ މާޒީއާ ގުޅޭ ގޮތުން ވަރަށް ތަފްސީލުކޮށް ވާހަކަ ދައްކާވާފައެވެ.
މިވާހަކަތައް ދައްކަވަމުން އަބްދުއްރަހީމް ވަނީ ޔާމީންގެ އަނބިކަނބަލުން ފާތުމަތު އިބްރާހީމައި ދަރިކަލުން ޒެއިން އާއި ގުޅޭ ގޮތުންވެސް ވާހަކަ ދައްކަވާފައެވެ.
ރައީސް ޔާމީންގެ އަނބިކަނބަލުންނާއި ދަރިކަލަށް ފާޑު ވިދާޅުވަމުން އަބްދުއްރަހީމް ވިދާޅުވީ މީގެ ކުރިން ސިޔާސީ ވެރިން ހަައްޔަރުކުރުމުން އެ ބޭފުޅުންގެ އާއިލާތަކުން މަސައްކަތް ކުރެއްވި ގޮތްތަކުގެ ވާހަކައެވެ އެގޮތުން ރައީސް މައުމޫނާއި ގާސިމްގެ މިސާލު އަބްދުއްރަހީމް ނެންގެވިއެވެ.
އަބްދުއްރަހީމްގެ މި ވާހަކަތައް އައިސްފައި މިވަނީ ޖަލުގައި ހުންނެވިއިރު އެމަނިކުފާނު މިނިވަންކުރަން ޕީޕީއެމް ޕީއެންސީގެ އިސްވެރިން މަސައްކަތް ކޮށްފައި ނުވާކަމަށް ދާދި ފަހުން ރައީސް ޔާމީން ދެއްކެވި ވާހަކަތާއި ގުޅުވައެވެ. ޕީއެންއެފުން ބޭއްވި ޖަލްސާއެއްގައި ވާހަކަ ދައްކަވަމުން ރައީސް ޔާމީން ވިދާޅުވީ އެމަނިކުފާނު މިނިވަންކުރަން ގޮވާލީ މުޒާހަރާއަށް ވެރިން ނުނިކުންނަކަމަށެވެ. އަދި ނުކުން އާއމު ބައެއް މެމްބަރުން ގެންގޮސް ފައިސާ ދީ މުޒާހަރާއަށް ނުނުކިންނަށް އެންގިކަމަށްވެސް ޔާމީން ތުހުމަތު ކުރެއްވިއެވެ.
އަބްދުއްރަހީމް ޔާމީންގެ އެވާހަކަތައް ރައްދު ދެއްވާ ވިދާޅުވީ އަނބިކަނބަލުންނާއި ދަރިކަލުން މުޒާހަރާތަކަށް ނުނިކުންނައިރު މިހާރު ސަރުކާރުގައި ތިއްބެވި އެހެން ބޭފުޅުންނަށް ކިޔޭނީ ކޮން ފާޑެއްތޯ ވިދާޅުވެފަ އެވެ.
