އެ މިނިސްޓްރީން ބުނީ ސަރުކާރުން ކަނޑަ އަޅާފައިވާ އަގު ތަކަށް ވުރެ ބޮޑު އަގުގައި ޓެކްސީ ދަތުރު ކުރުމުގެ ޝަކުވާތައް އެ މިނިސްޓްރީއަށް ލިބެމުން އަންނަކަމަށެވެ. އަދި މީ މަނާކަމެއްކަން ހަދާންކޮށްދީ އެގޮތަށް އަމަލުކުރާ ޓެކްސީތަކުގެ މައްސަލ ހުށައެޅުމަށް އެ މިނިސްޓްރީން ވަނީ އެދިފައެވެ. 

މި ފަދަ މައްސަލަތައް ރިޕޯޓްކުރުމަށް މިނިސްޓްރީންވަނީ ކިއު އާރު ކޯޑެއް ތައާރަފުކޮށްފައެވެ. 

އަގު ބޮޑުކޮށް ނަގާ ޓެކްސީތައް ރިޕޯޓްކުރުމަށް މިނިސްޓްރީން ތައާރަފުކުރި ކޯޑް 

ޓެކްސީތަކަށް ސަރުކާރުން ކަނޑައަޅާފައިވާ އަގުތަކަކީ މާލެ އިން ހުޅުމާލެ ދެވަނަ ފިޔަވައްސަށް 100ރ. އާއި މާލެ އިން ހުޅުމާލެ ފުރަތަމަ ފިޔަވައްސަށް 85ރ. އާއި މާލެ އިން ވެލާނާ އިންޓަނޭޝަނަލް އެއާޕޯޓަށް 70ރ. އާއި ހުޅުމާލެ ފުރަތަމަ ފިޔަވަހިން އެއާޕޯޓަށް 80ރ. އާއި ހުޅުމާލެ ދެވަނަ ފިޔަވަހިން އެއާޕޯޓަށް 85ރ. އެވެ.