މިސް ޔުނިވާސް އޯގަނައިޒޭޝަންއިން އިން މި ފަހުން ސީއެންއެންއަށް ދިން ބަޔާނެއްގައިވަނީ ބުނީ މިސް ޔުނިވާސްގެ ސެލެކްޝަން ޕްރޮސެސްގެ އެެއްވެސް ހަރަަކާތެއް ސައުދީގައި ހިންގާފައި ނުވާނެކަމަށެވެ. އަދި އެއީ ހަގީގަތާ ހިލާފު، މީހުންނަށް އޮޅުވާލަން ފަތުރާފައިވާ ވާހަކައެއްކަަމަށްވެސް އެ ޖަމިއްޔާއިން ނެރުނު ބަޔާނުގައި ވަނީި ހާމަކޮށްފަ އެވެ.
މީގެއިތުރުން މިއަހަރު ބައިވެރިވާކަން ފުރިހަމައަށް ކަށަވަރުވެފައިވާ ގައުމުތަކުގެ ތެރޭގައި ސައުދީ އަރަބިއްޔާ އަދި ނުހިމެނޭއިރު، މިހާރު ކުރިއަށްގެންދަނީ ފްރެންޗައިޒް ހޯދާ، ނޭޝަނަލް ޑިރެކްޓަރަކަށް އެކަށީގެން ކެންޑިޑޭޓަކު ކޮލިފައި ކުރުމުގެ މަރުހަލާކަމަށް މިސް ޔުނިވާސް އޯގަނައިޒޭޝަން އިން މައުލޫމާތުދެއެވެ.
ސައުދީން މިސް ޔުނިވާސްގައި ބައިވެރިވާކަމުގެ ހަބަރު ސޯޝަލް މީޑިއާގައި ފެތުރިފައިމި ވަނީ ސައުދީ އަރަބިއާގެ މޮޑެލް ރޫމީ އަލް ގަތާނީ ސޯޝަލް މީޑިއާގައި ކުރި ޕޯސްޓްއަކާ ގުޅިގެންނެވެ. އޭނާ ބުނީ މިސް ޔުނިވާސް މުބާރާތުގައި ބައިވެރިވުމަށް ލިބުނު ފުރުސަތަކީ ވަރަށް ބޮޑު ޝަރަފެއްކަަމަށާއި އޭނާ އަށް ލިބުނު އެ ފުރުސަތާއި އެކު މިއީ ސައުދީ މުބާރާތުގައި ބައިވެރިވާ ފުރަތަަމަ ފަހަރު ކަމަށެވެ. ރޫމީ މިފަދައިން ޕޯސްޓްކުރި ކީއްވެ ކަމެއް އަދި ހާމަވާކަށެއްނެތެވެ.
މި އަހަރުގެ މިސް ޔުނިވާސް މުބާރާތް ސެޕްޓެމްބަރު އޮންނާނީ މެކްސިކޯގަ އެވެ. މުބާރާތުގައި 100 އަށް ވުރެ ގިނަ ގައުމުން ބައިވެރިވެ އެވެ.
