ފައްޔާޒު މިހެން ވިދާޅުވީ އަންހެން މުވައްޒަފަކު ކޮންމެވެސް ތަނަކަށް ދާން މަޖުބޫރު ކުރުވާ، އެކަން ނުކޮށްފި ނަމަ ވަޒީފާއިން ކަނޑާލާނެ ކަމަށް ބުނާ ވީޑިއޯއެއް އެކްސްގައި ހިއްސާކުރައްވަމުންނެވެ.
އެ ވީޑިއޯގައި ވާހަކަ ދައްކާ އަންހެން މީހަކީ އާރުޑީސީގައި މަސައްކަތް ކުރާ މީހެއްކަން އޭނާގެ ވާހަތަކުން އެނގެއެވެ. އެ އަންހެން މީހާގެ ވާހަކަތަކުން އެނާއަށް ސިޔާސީ ކޮންމެވެސް ތާކަށް ދާން މަޖްބޫރުކުރާކަން އެނގެެއެވެ. އެހެންނަމަވެސް އެއީ ކޮންތަނެއްކަމެއް އެމީހާގެ ވާހަކަ އަކުން ސާފެއް ނުވެއެވެ.
އެމްޑީޕީގެ ކެމްޕެއިން ތެރެއިން ރައީސް ސާލިހާއި އެކު ހުންނަވާ މަންޒަރު ފެންނަ މި ވީޑިއޯ އާއްމުކުރައްވަމުން ރައީސް މުހައްމަދު މުއިއްޒު ޓެގްކުރައްވާ ފައްޔާޒު ވިދާޅުވީ އެމްޑީޕީ އަށް ތާއީދުކުރާ ރައްޔިތުންނަކީ ދައްކާހާ ބިރަކަށް ސިހޭނެ ބައެއް ނޫންކަން ރައީސް މުއިއްޒަށް އަށް އެނގިނުލައްވާތީ ހިތާމަކުރަައްވާކަމަށެވެ.
ފައްޔާޒު ވިދާޅުވީ އަންނަ މަޖިލީހުގެ މެޖޯރިޓީ އެމްޑީޕީއަށް ލިބިއްޖެނަމަ ސިޔާސީ މަގުސަދަށް ވަޒީފާއިން ވަކިކުރާކުރުން ގާނޫނީ ކުށަކަށް ހަދާނެކަމަށެވެ. އަދ ސިވިލް ސާވިސް މުވައްޒަފުންނަށް ލިބިދީފައިވާ ފަދަ ގާނޫނީ ރައްކާތެރިކަން ދައުލަތުގެ ކުންފުނިތަކުގެ މުވައްޒަފުންނަށްވެސް ކަށަވަރުކޮށްދޭނަކަމަށް ފައްޔާޒު ވިދާޅުވިއެވެ.
ވަޒީފާއަށް ބިރު ދައްކާ މި ވީޑިއޯ އާއްމުވެފައިވާއިރު ވެރިކަން ކުރާ ޕީއެންސީގެ ޕޯޑިއަމްތަކުގައި އިދިކޮޅު މީހުންނަށް ވަޒީފާގެ ބިރު ދެއްކުމާއި އަސާސީ ހިދުމަތްތައް ކަނޑާލަން ގޮވާ ސަރުކާރަށް ތާއީދުކުރާ މެމްބަރުން ވަނީ ވާހަކަ ދައްކާފައެވެ. މި ވާހަކަތަކާއި ގުޅިގެން ސަރުކާރުން ބުނީ އެއީ އެ ފަރުދެއްގެ ވިސްނުންކަމަށެވެ. އަދި އެއީ އެޕާޓީގެ ވިސްނުން ނޫންކަމަށް ބުނެ އެމީހުންނާއި މެދު އެޅި ފިޔަވަޅެއް ހާމަކުރަން ނުޖެހޭކަމަށް ސަރުކާރުން ހިންގާ ޕީއެންސީން ވަނީ ބުނެފައެވެ.
