ޝަހީމް އޭނާ އެކްސްގައި ކުރެއްވި ޕޯސްޓެއްގައިވަނީ އަލަށް އިމާރާތްކުރާނެ މިސްކިތްތައް ހުންނާނެ ގޮތުގެ 3 ކުރެހުމެއް ހިއްސާ ކުރައްވާފައެވެ.
ވަޒީރު ވިދާޅުވީ އެ ފަރުމާތަކަކީ 300/ 500/ 700 މީހުންގެ ޖާގައިގެ އަލަށް އިމާރާތްކުރާ މިސްކިތްތަކުގެ ޑިޒައިންކަމަށެވެ. އަދި އެ މިސްކިތްތައް ފަރުމާކޮށްފައިވަނީ ފަރުމާކޮށްފައިވަނީ ސޯލާ ހަރުކުރާގޮތަށް ކަމަށާއި މިސްކިތް އިމާރާތްކޮށް ނިމޭއިރު އެ މިސްކިތްތައް ހުންނާނީ އެސީކޮށްފައިކަމަށްވެސް ވަޒީރު ވިދާޅުވިއެވެ.
ޑރ. ޝަހީމް އަލީ ސައީދު ވިދަޅުވީ ރިޔަން އިން ފަރުމާކޮށްފައިވާ ޑިޒައިންތަކަށް އިމާރާތްކުރާ މިސްކިތްތައް ބިނާކުރަން އަންނަ ޖޫން މަހު ފައްޓަވާނެކަމަށެވެ.
ވަޒީރު ޝަހީމް އާއްމުކުރެއްވި، އަލަށް އަޅާ މިސްކިތްތައް ހުންނާނެ ގޮތުގެ ޑިޒައިން
މިސްކިތް ބިނާކުރުމަށް ޝަޢުގުވެރިވާ އަމިއްލަ ފަރާތްކަށް، އެކަމަށް ބޭނުންވާ ބިމާއި އަދި ބޭނުންވާ އިދާރީީ އެހީތެރިކަން ސަރުކާރުން ފަހިކޮށްދެއްވާނެކަމަށް މީގެ ކުރިން ޝަހީމް ވަނީ ވިދާޅުވެފައެވެ. އަދި މި ސިޔާސަތުގެ ދަށުން މާލެއާއި ހުޅުމާލޭ އިތުރުން ބައެއް އަތޮޅުތަކުގައި މިސްކިތް ބިނާކުރުމަށް ޝައުގުވެރިކަން ފާޅުކުރި ފަރާތްތަކަށް އެކަން ކުރުމުގެ ފުރުސަތު މިނިސްޓްރީން ދީ އެކަމުގެ އެއްބަސްވުންތަކުގައި ވަނީ ސޮއިކޮށްފައެވެ.
