ސްޓޫޑަންޓް ލޯނަށް އެދުމަށް މިދިޔަ މަރިޗުމަހުގެ 28 ވަނަ ދުވަހު ހުޅުވާލި ފުރުސަތު ހަމަވީ މިއަދު މެންދުރެވެ. 

ހަޔަރ އެޑިއުކޫޝަން މިނިސްޓްރީން ބުނީ ސުންގަޑި ހަމަވިއިރު 1709 ފަރާތަކުން އެޕްލިކޭޝަން ފޯމް ހުށަހަޅާފައިވާކަމަށާއި ދެން އޮތީ އެ ފޯމްތައް ބަލައި ޗެކުރުމުގެ މަސައްކަތްކަމަށެވެ. 

ޝަރުތު ހަމަވާ ހުރިހާ ކުދިންނަށް ސްޓޫޑެންޓް ލޯނު ދިނުމަށް ސަރުކާރުން ނިންމާ އެކަން މިދިޔަ ހޯމަދުވަހުގެރޭ ހަޔަ އެޑިޔުކޭޝަން، ލޭބަ އެންޑް ސްކިލްސް ޑިވެލޮޕްމަންޓް މިނިސްޓަރު ޑރ. މަރިޔަމް މާރިޔާ ވަނީ އިއުލާންކުރައްވާފައެވެ. 

އަހާ ސިލްސިލާގެ ތިންވަނަ ފޯރަމުގައި ވާހަކަ ދައްކަވަމުން މާރިޔާ ވިދާޅުވީ ސްޓޫޑެެންޓް ލޯނަށް އެދޭ ހުރިހާ ކުދިންގެ ތެރެއިން ޝަރުތު ހަމާ ކުދިންނަށް ލޯން ދޭން ރައީސް ޑރ މުއިއްޒު ނިންމެވި ނިންމެވުމަކީ ވަރަށް އުފާ ކުރައްވާކަމެެއް ކަމަށެވެ. 

މި ފަހަރު ލޯނަށް އެދުމަށް ހުޅުވާލި 500 ފުރުސަތުގައި އަލަށް ކިޔަވަން ދިއުމަށް ބޭނުންވާ ދަރިވަރުންނާއި މިހާރު ކިޔަވަމުންދާ ދަރިވަރުންނަށް ވެސް ލޯނަށް އެދެވޭނެ އެވެ.