ބ. އަތޮޅު ފުލުހުންގެ އިދާރާއިން ބުނިގޮތުގައި ޑިއުޓީ ކުރަމުން ދިޔަ މުވައްޒަފު މޫދަށް ވެއްޓުނީ ރިސޯޓުގެ މޫދު ކޮޓަރިއެއްގެ ޑެކުމަތިންނެވެ.
މުވައްޒަފު މޫދަށް ވެއްޓި ގެނބެމުން ދިޔަ މަންޒަރު ފެނުނީ، އެ ރިސޯޓުގައި ޗުއްޓީ ހޭދަކުރުމަށް ގޮސް ތިބި ދެމަފިރިންނަށެވެ. އަދި ވަގުތުން އެ މީހުން ވަނީ މޫދަށް ފުންމާލައި ދިވެހި މުވައްޒަފު ސަލާމަތްކޮށްފަ އެވެ.
ބ. އަތޮޅު ފުލުހުންގެ ފޭސްބުކް ޕޭޖުގައި ބުނެފައިވަނީ މި ދެ ފަތުރުވެރިންގެ ހިތްވަރަށް ހުރިހާ ދިވެހިންނާއި ފުލުހުންގެ ފަރާތުން ޝުކުރު އަދާ ކުރާ ކަމަށެވެ. އަދި ދުސިތް ތާނީގެ މެނޭޖުމަންޓުން މިހާދިސާ އާ ގުޅިގެން އަވަސް ފިޔަވަޅުތައް އަޅައި އަނިޔާވި މުވައްޒަފަށް ވަގުތުން ފަރުވާ ދީފައިވާތީ އެކަމަށްވެސް ފުލުހުން ވަނީ ޝުކުރު އަދާކޮށްފައެވެ.
ދިވެހި ފުލުހުންގެ ހިދުމަތުން ވަނީ އެ ދެ ފަތުރުވެރިންގެ އަގުވަޒަންކޮށް ހަނދާނީ ފިލައެއްވެސް ދީފައެވެ. ދިވެހި ފުލުހުންގެ ހިދުމަތުން ވަނީ މީހެއްގެ ފުރާނަ ސަލާމަތް ކުރުމަށް ވެދިން އެހީތެރިކަން ފާހަގަ ކޮށް އެ ދެމަފިރިންނަށާއި އެ މީހުން ޗުއްޓީ ހޭދަ ކުރަމުންދިޔަ ރިސޯޓުގެ މެނޭޖްމަންޓަށް ޝުކުރު އަދާ ކޮށްފައެވެ.